Zeuve

De printervriendelijke versie wordt niet langer ondersteund en kan weergavefouten bevatten. Werk uw browserbladwijzers bij en gebruik de gewone afdrukfunctie van de browser.

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Dit artikel geit euver 't getaal en 't ciefer 7; veur 't jaor, zuuch: 7.

Zeuve of zeve (7) is e ciefer en 't netuurlik getaal det völg op 't getaal zès en veuraafgeit aan ach.

Zeuve is 't op drie nao klènste priemgetaal, gevolg door èllef. Zeuve is e Mersennepriemgetaal, ómdet 2³-1=7 en zeuven e priemgetaal is.

Of e getal door zeve te deile is, vèltj neet mit e gemekkelik aezelsbrögkse oet te make. Zeven is 't klènste getal woveur zón proof neet besteit.

Ciefer

't Teike det inne moderne wèsterse werreld wuuertj gebroek veur 't getaal "7" aan te gaeve geit trögk op 't Indisch systeem. In India broekdje me 'n saort oppe kop ómgedrejdje "J". De vertikaal lien woort diagonaal en 't al woort later rechheukiger gesjreve.

't Ciefer "7" wuuertj döks mit 'ne streep dore midde vanne diagonaal lien, wie "7", gesjreve veur verwarring mit 't ciefer "1" te veurkómme. Döks wuuertj deze streep ouch gekrónkeldj waergegaove.

In Japan en Sjina gebroek me-n 't teike "七" veur 't getaal "7".