Hialat d’excelléncia entà ua infrastructura lingüistica transfronterèra
Lo 18 de junh de 2021, dens l’encastre deu congrès transfrontalèr Linguatec, los membre deu consòrci Linguatec an lejut e signat lo manifèste fondator deu hialat d’excelléncia en intelligéncia artificiau entà la construccion d’ua infrastructura lingüistica transfronterèra peus sòcis deu consòrci, acompanhats peu maire de Sent-Sebastian, Eneko Goia.
Pendent las soas tres annadas d’existéncia, los grops de recèrca units arron lo projècte LINGUATEC an trabalhat amassa au desvolopament de ressorsas e d’utís lingüistics enter las diferentas lengas, atau com au desvolopament de navèras aplicacions en linha, tà estimular l’utilizacion de las tres lengas e de perméter aus utilizaires d’accedar a de contenguts multilingües.
Lo nivèu de desvolopament atenhut peu projècte a encoratjat las institucions membre deu consòrci a passar ua estapa estrategica : crear un hialat d’excelléncia en intelligéncia artificiau, tà crear ua infrastructura lingüistica transfrontalèra.
