Prezéi
|
|
Chest artícol a l'è scricc in Lumbàrt, ortograféa orientàl unificàda. |
| Prezéi Comun | |||||
|---|---|---|---|---|---|
| |||||
| Dats aministrativ | |||||
| Stat | Itàlia | ||||
| Rejon | Lombardìa | ||||
| Provinça | Provincia de Brèsa | ||||
| Capolœg | Preseglie | ||||
| Politega | |||||
| Sindeg | |||||
| Orgen lejislativ | Consili comunal | ||||
| Territore | |||||
| Coordinade | 45°40′N 10°24′E / 45.666667°N 10.4°E | ||||
| OSM | 45636 | ||||
| Voltituden | 391 m s.l.m | ||||
| Superfix | 11,45 km² | ||||
| Abitants | 1 475 ab. (1º genar 2023) | ||||
| Densitaa | 128.82 ab./km² | ||||
| Confin | Gnùzen, Bàrghe, Ódol, Istù, Biù e Sàbio | ||||
| Fus orari | UTC+01:00 e UTC+02:00 | ||||
| Varie | |||||
| Prefiss | 0365 | ||||
| Codex postal | 25070 | ||||
| Sigla autom. | BS | ||||
| Codex ISTAT | 017153 | ||||
| Codex catastal | H043 | ||||
| Cl. climatega | |||||
| Cl. sismega | |||||
| Localizazion | |||||
.svg) | |||||
| Sit istituzional | |||||
Prezéi (nòm uficiàl en italià: Preseglie) l'è 'n cumu de 1 514 abitàncc (dàto del des 2015 [1]) de la Val Sàbia, 'n Pruvìncia de Brèsa. El teretóre del cümü 'l cuàrcia zó 'na superfìce de 11,4 km² per 'na densità de popolasiù de 133 ab./km². El cunfìna coi cümü de Gnùzen, Bàrghe, Biù, Ódol, Sàbio e Vistù.
Urìgin del nòm
[Modifega | modifica 'l sorgent]Endèi ducümèncc piö antìchi el paés el vé mensiunàt col nòm de Preseliys e isé 'l rèsta 'nfìna a che vé abandunàt el latì come lèngua notarìl. Zamò 'ndèl 1192 però se 'l tróa citàt apò a coi nòm de Presegis e piö tàrde amò come Prescio, Presejo; Pressaglia 'ndèl secol XV, Preselie 'ndèl 1470 e Presei 'ndèl 1609. A pàrter del sècol XIX el nòm l'è chèl atüàl: Preseglie[2].
Frasiù
[Modifega | modifica 'l sorgent]El cümü l'è furmàt de divèrse frasiù:
- Sotacastèl: l'è la frasiù pricipàl 'ndóche gh'è 'l municìpio, la farmacìa, la bibliotéca, l'ambulatorio del dutùr, la scöla elementàr e matèrna, la cazèrma dei carabiniér. El tèrs lönesdé de töcc i més la òspita apò 'l mercàt endèla piàsa centràl.
- Gazàne: l'è la frasiù che se tróa piö delóns de Sotacastèl (en pér de chilòmetri). gh'è divèrse uficìne e laboratóre de artigià. L'è séde de 'na pìsta de motocròs endóche se cór apò a gàre 'nternasiunài.
- Piàsa: l'è colocàda ai pè del mut Pòfe. L'è séde de paròchia e oratóre. Se dis che 'na ólta gh'ìa apò a 'n castèl del quàl però gh'è restàt piö gne 'n sègn.
- Quintilàch: en mès al vért e a le surtìe de àiva, l'è cunsideràt el bórch piö pitorèsch del cümü.
- Masenàch: töt deslocàt söndèna ràta, bèla 'n pé e sèca. Gh'è dele bèle cà de 'mpronta signurìl.
- Zernach: frasiù piötòst pesèna colocàda a ridòs del cunfì col cümü de Bàrghe.
- Ardesà: frasiù caraterizàda de la sò surtìa de àiva bùna e ricercàda, töta 'n mès al vért e ai castignìcc.
Sö le màpe de l'I.G.M. gh'è segnàt apò: Madonna di Visello, Campo di Nini, Zaione di Sopra e di Sotto, Binzaghe, Campo di Frosio, Casaluc, Dosso di Clivio, Chiese, Sort, Lignere, Roccolone, Crossodromo, Trattoria, Faule, Dossi, Casotto Sentierole[3].
Evulusiù demogràfica
[Modifega | modifica 'l sorgent]
Abitant censid
Riferimèncc
[Modifega | modifica 'l sorgent]- ↑ Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.
- ↑ http://www.comune.preseglie.bs.it
- ↑ http://www.comune.preseglie.bs.it
