Вангел Чукалевски

Вангел Чукалевски
Роден	Вангел Чукалевски 20 јануари 1910 Битола, Отоманско Царство
Починал	8 јануари 1983 (возраст: 72) Белград, СФР Југославија
Националност	Македонец
Занимање	партизан, пилот, офицер

Вангел Чукалевски (20 јануари 1910 во Битола — 8 јануари 1983 во Белград) — југословенски и македонски партизан и деец на Народно ослободителната војска на Македонија.

Чукалевски бил воен пилот и висок офицер на Југословенската народна армија.

Животопис

Роден е на 20 јануари 1910 година во Битола. За време на Втората светска војна се вклучил во комунистичката страна и станал командир на Четврта оперативна зона на НОВ и ПОМ. Станал член на КПМ во текот на 1944 година.

На 1 јуни 1944 година добил чин мајор. Во периодот од 8 јуни до 25 септември 1944 година е командир на Првата македонска ударна бригада, а потоа е назначен за прв помошник на началникот на Главниот штаб на НОВ и ПОМ. Учествува како делегат во Второто заседание на АВНОЈ и Првото заседание на АСНОМ. Меѓу септември и октомври 1944 година е награден со Орденот Партизанска ѕвезда од Воениот штаб на НОВ и ПОЈ. На 1 декември 1944 година е назначен за потполковник, а по завршувањето на Втората светска војна имал различни функции во ЈНА.