Арьен Роббен

Арьен Роббен
Хувийн мэдээлэл
Бүтэн нэр	Арьен Роббен
Төрсөн огноо	1984 оны 1 сарын 23
Төрсөн газар	Бедум, Нидерланд
Биеийн өндөр	1.83 метр
Тоглодог байрлал	вингер буюу жигүүрийн хагас хамгаалагч
Клубын мэдээлэл
Одоогийн клуб	Байерн Мюнхен
Дугаар	10
Тоглосон клубууд
Он	Баг	Тоглосон тоо (Гоол)
2000 - 2002 2002 - 2004 2004 - 2007 2007 - 2009 2009 -	ФС Гронинген ПСВ Эйндховен Челси Реал Мадрид Байерн Мюнхен	50(8) 56(17) 67(15) 50(11) 24(16) 247(67)
Үндэсний шигшээ
2003 -	Голланд	52(15) ‡ Шинэчилсэн нь 2010-08-23

Арьен Роббен (1984 оны 1 сарын 23-нд төрсөн) бол Голландын хөлбөмбөгчин бөгөөд Германы Бундеслиг болон Байерн Мюнхен багийн тоглогч юм. Тэрээр довтлогчдын ард буюу жигүүрийн вингерийн байрлалд тоглодог бөгөөд Роббен өөрийн бөмбөгтэй хууралт хийх авьяасаар танигдсан нэгэн юм. Тэр Нидерландын хөлбөмбөгийн үндэсний шигшээ багийн гишүүн бөгөөд Евро 2004, 2006 оны ДАШТ, Евро 2008, 2010 оны ДАШТ-д оролцжээ.

Клубын замнал

Гронинген

Гронинген 1999–2000 улиралд Роббен хөлбөмбөг тоглосон анхны баг байлаа. Тэрээр лигийнхээ тоглолтонд 2 гоол оруулсан байна. 2000 оны өвөл гэхэд Роббен гарааы 11-т багтаж орсон байлаа. Гронингенд 2000–01 улиралд 18 удаа гараанд тоглохдоо 2 гоол оруулсан байна. Роббен очсон эхний жилдээ клубынхээ жилийн шилдэг тоглогчид нэр дэвшсэн юм. 2001–02 онд Роббен гайхалтай байж 28 тоглолтонд зургаан гоол оруулжээ. Роббен 2002–03 улиралд €3.9 сая еврогоор ПСВ рүү зарагджээ.

ПСВ

ПСВ-гийн эхний 2002–03 улирал, Роббен 33 тоглолтонд оролцож 12 гоол оруулжээ.

Челси

Роббен 2004-05 оны Премьер лигт түрүүлснээ тэмдэглэж байгаа нь

Роббен өөрийгөө чухал тоглогч гэдгээ 2004-2005 улирлын тоглолтын үеэр харуулсан. Тэрээр 2004-2005 оны EPL-ийн "Сарын шилдэг тоглогчоор шалгарсан юм.

Реал Мадрид

Роббен өөрийгөө Реал Мадридаас хөөгдсөн гэж онцолсон байдаг. Тэрээр хэлэхдээ би клубээсээ явахыг хүсээгүй, харин Реал Мадрид намайг зарахыг хүссэн гэжээ.

Байерн Мюнхен

2010 оны 5 сарын 25-нд Роббен 2010 Германы шилдэг хөлбөмбөгчнөөр шалгарсан байна. Тэрээр санал асуулгад 72.1 хувийн санал авч өрсөлдөгчдөөсөө тасархай түрүүлсэн бөгөөд энэ шагналыг авсан анхны Голланд хөлбөмбөгчин болжээ.

Олон улсын хөлбөмбөгийн замнал

Евро 2004

Роббен Нидерландын төлөө нийт 51 тоглолтонд оролцож, 16 гоолс хийсэн байдаг. Хамгийн анхны Олон улсын тэмцээнд Роббен 2004 онд Диск Адвокат Вэсли Шнайдер, Жон Хейтинга зэрэг залуу тоглогчдыг дуудах үед хамт дуудагдаж хийсэн байдаг. Дасгалжуулагч Адвокат Евро 2004 хэсгийн тоглолтонд Чехийн шигшээг 2-1 ээр хожиж явахад Роббенг сэлгээнд суулгасан байдаг. Гэвч Голландууд энэ тоглолтонд 3-2 оор хожигдсон бөгөөд Адвокатыг сэлгээ хийсэн явдал маш их шүүмжлэлд өртөж байжээ.

Роббен (зүүн гар талд) Робин ван Перситэй хамт.

ДАШТ 2006

Роббен анхныхаа дэлхийн аваргын тоглолтоо 2006 онд хийжээ. Голландын төлөө тоглосон 6 тоглолтондоо 2 гоол оруулсан юм. Нидерландын үндэсний шигшээ баг 2006 онд хийсэн анхны тоглолт Серби-Монтенегри дээр Роббен 18 дахь минутанд хожлын ганц гоолыг оруулж "Тоглолтын шилдэг тоглогч"-оор шалгарч байв. Дараачийн Зааны ясан эрэгийн багтай хийсэн тоглолтонд Роббен мөн "Тоглолтын шилдэг тоглогч"-оор шалгарч тухайн ДАШТ-ий энэхүү шагналыг 2-оос дээш удаа авсан 8 тоглогчийн нэг болж байв.

Арьиен Роббен (зүүн) багийн анд Уэсли Шнайдерийн хамт бэлтгэл дээр

Евро 2008

Евро 2008 тэмцээнд дасгалжуулагч Марко Ван Бастен багийн бүтэцийг 4–2–3–1 рүү өөрчилж, Ван дер Ваарт, Вэсли Шнайдер, Дирк Кюут гэсэн 3 хагас хамгаалагчтай болохоор зэхэж байв. Харин Роббен зүүн жигүүрт Робин Ван Перситэй гарааны эрхийг булаацалдаж байв. Хэсгийн Францтай хийсэн тоглолтод ( Голланд 4-1 ээр хожсон). Роббен сүүлийн хагаст сэлгээгээр орж ирсэн юм. Тэрээр бараг талбайн голоос бөмбөгийг авч туугаад, өмнөө байсан 3 нь ч хамгаалагчийн гүйцэж түрүүлээд Ван Перси-д дамжуулахад, Ван Перси шууд хаалга руу цохиж гоол орсон. Онооны харьцаа 2-0 болсоны дараа Анри гоол хийж 2-1 болсон. Анригийн гоолын бараг шууд дараа нь Шнайдерийн өгсөн дамжуулалтаар Роббен нарийн өнцгөөр 90-ийн буланд цохиж Францын хаалгач Капитын хаалгыг мялаасан юм.