Lente

's Leintese wei

Leinte in de Franse Jura

Leinte eschilderd deur Giuseppe Arcimboldo

Bestaand:Mountfujijapan.jpg

Leinte in Japan, let op de Sakura

Leinte of veurjaor is één van de vier seizoenen. 't Sterrekundig bepaolde begin van de leinte is de leinte-equinox (roend 20 meert op 't noordelijk halfroend en roend 23 september op 't zujelijk halfroend). De zon gaot dan deur 't leintepunt en de dag en de nacht bin temet liek alleens in lengte. De leinte eindigt mit de zoemerzonnewende (roend 21 juni op 't noordelijk halfroend en 21 december op 't zujelijk halfroend).

Um praktische rejens, mar oek um rejens die mit 't klimaot van doen hen, begint de meteorologische leinte eerder, op 1 meert op 't noordelijk halfroend en op 1 september op 't zujelijk halfroend. 't Duurt dan tot 1 juni en op 't zujelijk halfroend tot 1 december.

's Leintes gaon de planten (weer) greuien en bleuien. Naor Iesheiligen is de kans op vorst vrie klein.

Rillegieuze feesten en gedenkdagen in de leinte

De rooms-kattelieke tredisie het de vastenperiode, die begint op aswoensdag en eindigt mit Paosen. Vasten wort veurof-egaon deur de vastenavend. Naost Paosen hen ze in de christelijke tredisie oek de Goeie Week; drie dagen veur 't paosweekeinde, Witte Donderdag, Goeie Vriedag en Stille Zaoterdag.

In 't hindoeïsme wort zo roend Paosen de Holi-Phagwa evierd.

De sekeliere versie van Paosen wort ekenmaarkt deur symbolen van niej leven, zoas (ekleurde/evaarfde) eiers. Oek de paoshaos heurt bie dit feest.

Begin van de sterrekundige leinte

Begin van de sterrekundige leinte (op 't noordelijk halfroend) in de kommende jaoren:

Jaor	Daotum	Tied
2003	21 meert	02:00
2004	20 meert	07:49
2005	20 meert	13:33
2006	20 meert	19:26
2007	21 meert	01:07
2008	20 meert	06:48
2009	20 meert	12:44
2010	20 meert	18:32
2011	21 meert	00:21
2012	20 meert	06:14
2013	20 meert	11:02
2014	20 meert	17:57
2015	20 meert	23:45
2016	20 meert	05:30
2017	20 meert	11:28
2018	20 meert	17:15
2019	20 meert	22:58
2020	20 meert	04:49

De an-egeuven tied is de plaotselijke Nederlanse tied.

Op 't zujelijk halfroend beginnen op disse daotums de haarst.

Nedersaksisch

• Drèents: veurjaor, meitied, maitied
• Grunnegs: lìnte, maaitied
• Veluws: le(i)nte of veurjaor
• Stellingwarfs: meitied

Commons: Lente - plaatjes, filmkes en/of gelüüdsbestanden.

Dit artikel is eschreven in 't Putters