Grunnegs-Oostfraise femilienoamen worden veulaal kenmaarkt deur de aachtervougsels -ma en -da. Dit kint man soamen mit de aachtervougsels -ga en -stra ook veul in Westlaauwers Fraislaand. Dit is dus ook nait Saksisch môr is n overbliefsel van de Fraise toal en kultuur dij ien Grunnen en Oostfraislaand ien broeken wèst het. Ien de Veenkelonien en Westerwôlde kommen veul noamen veur dij ìndegen op -ker en -tjer. De Grunnegs-Oostfraise femilienoamen kommen ook in t Selterlaand veur.
Let op: summege femilinoamen kommen óók oet aander gebieden as Grunnen en Oostfraislaand, noamelk oet Fraislaand, de Drìnt of t Emslaand.
