Sunterkloas
Sunterkloas is t heufdfiguur van n kinderfeest dat op 5 dezember in Nederlaand en op 6 dezember in Belgie en in enkelde (veurmoaleg-)Nederlaandse kelonies vaaierd wordt. Sunterkloas wordt ook op lutje schoal vaaierd in Luxembörg (Kleeschen), Oosterriek, Svitzerlaand, Duutslaand, Pooln en Tzjechie (Mikuláš). Veul traditsies in t noudagse Sunterkloasfeest goan weerom tot Nikoloas van Myra, de Lyzische bisschop oet Myra, houwel der ook ollere eleminten binnen. Deurgoans het de Sunt n laange witte board. t Is allend nait bewezen dat hai doadwaarkelk ook zonnen lange board had het.
Oorspronkelk wer Sunt-Nikoloas allend in t oosten eerd. In de 13. aiw wer besleuten dat zien noamdag ook in t westen ain van de belaangriekste feestdoagen was; in dij tied wer t Sunterkloasfeest in Oetrecht al vaaierd deur de schoun van vaaier aarme kinder te vulln mit sìnten, in aandere steden wer ook wat veur de aarmen doan.
Noa de Nederlaandse Opstaand perbaaierden kalvinistische predikaanten t Sunterkloasfeest ôf te schaffen, omdat t te veul haaidense eleminten haar. t Feest was allend zo populèr dat dit streven nait echt suksesvol was, ook bie t protestaantse volksdail.
Wieder binnen der parallellen te trekken mit de haaidense god Wodan, hai ridt ook op n schimmel, de achtbainege Sleipnir, woarmit hai deur de locht vlugt.
Mit Sunterkloas worden voak peperneuten, toai-toai en spekuloas eten.
Man zegt dat de kirstman oorspronkelk ook van Sunt-Nikoloas ôfstamt.
Nedersaksisch
- Grunnegs: Sunterkloas
- Stellingwarfs: Sunderklaos of Sunterklaos
- Veluws: Sunterklaos of Sienterklaos
|
Commons: Sunterkloas - plaatjes, filmkes en/of gelüüdsbestanden. |