Ni'j-jaorwinnen
Ni-joarwinnen is n Nedersaksisch gebroek woarbi-j de kinder op Ni-joarsdag langs de deure goat van de noabers.
De kinder, umsgeveer degeenn dee-t nog op de leagere skole zit, goat met n tröpken langs de noabers um ze n gelukkeg ni-joar too te wensen:
- Gelukkeg ni-joar, he-j de toete al kloar!?
As belonning kriegt ze dan de ni-joars-toete: n botterhamzeksken woar t neudige te snoopen in zit. Vake zit er in de toete:
- n appel of mandarientjen
- pelpinda's
- lek-keukskes: soort ronde beskwietjes, met an ene kant n felgekleurd glazuur
- opzet-keukskes: kleine ronde keukskes met n gat in t middn, woar da-j dan n ander klein keukske, dat vake n dier veurstelt, met n pinneken an de onderkante in könt zettn
- wat kleine snooperi-je
De toete wödt ok wal met-egeven an de kinder dee-t in de eerste weake van t ni-je joar bie opa en oma komt.
Het gebroek kömp teggenswoordeg minder veur, moar wörd op t platteland in oa den Achterhook nog wal in stand eholden.
Nedersaksisch
- Grönnegs: nijjoar ôfwinnen - Tegenswoordeg nait meer doan, ôfschaft noa drok van lokoale overheden dij van t geslenter laangs de deuren ôf wollen. Vrouger gongen overdag de kinder bie deuren laangs veur slik (nait ien n puutje). Ien oavend gongen de wazzens noar ainander tou om mit haile bert n klokje te drinken.