Massaker bi Wounded Knee

Massengraff vun de Indianers na dat Massaker. De Indianerlieken sünd stief fraren.

Dat Massaker bi Wounded Knee bescheeg an 29. Dezember 1980 tüschen een Grupp van de Lakota (Plains Sioux) Indianer, de uut ehr Reservatschoon flücht weern un en de sövent bereden Divischoon van de US-Armee. Dood bleeven tominst 150 Indianer un 25 US-Suldaten und mennig mehr würrn sehrigt.

De Vörgeschicht weer, dat Deelen van de Indianer in de Reservatschonen ünner de Infloot van de sonöömt Ghost Dance (Dans van de Geester) raaken. Se dachten, dat dat en Weg geven schall, wedder frie to kamen van de Herschopp van de Blankgesichten. Dorüm mööken se mang anner Saaken een besünner (Geester-) Danz. Dor keem dat denn ook, dat de Indianer uut de Reservatschoon fllüchten. De sövend Divischoon fünn de Indianer un wull jüm wedder trüchbringen na de Reservatschoon. As de Suldaten dat angüngen, van de Indianer de Waapen wegtonehmen, keemen beid Gruppen bi to Wrangeln. De Suldaten füngen denn an, met ehr Büssen un Kanonen to scheeten. Dat Geböörnis bi Wounded Knee waardt ankeken as de Afsluss van de Orlogen tüschen de USA un de Indianer, wowull dat ook later noch Scharmützeln geev.

Literatur

• Coleman, William S.E. Voices of Wounded Knee, University of Nebraska Press (2000). ISBN 0803215061.
• Smith, Rex Alan. Moon of Popping Trees, University of Nebraska Press (1981). ISBN 0803291205.
• Utley, Robert. The Indian Frontier 1846-1890, University of New Mexico Press (2003). ISBN 0826329985.
• Yenne, Bill. Indian Wars: The Campaign for the American West, Westholme (2005). ISBN 1594160163.
• Brown, Dee. Bury my Heart at Wounded Knee: An Indian History of the American West, Owl Books (1970). ISBN 0805066691.