Kleverbarg

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Wingst
Inwahners:
Postleettall:	21789
Vörwahl:	04777
Geograafsche Laag:	53° 44′ N, 9° 2′ O

Kleverbarg (hoochdüütsch Kleverberg) is en Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi de Gemeen Wingst bi.

Geografie

Kleverbarg liggt an’n Westrand von de Geest von de Wingst hen na dat Moor un de Masch von de Au. En knappen Kilometer in’n Westen löppt de Neehuus-Bülkauer Kanaal langs.

De Naveröörd sünd Ooldkeden in’n Noorden, Fahlbarg, de Sump un Watermöhl in’n Oosten, Langenfelln in’n Süüdoosten, Westerhamm un Sothgrift in’n Süden, Westerhammermoor un Grift in’n Süüdwesten un Krummenbusch, Tollboom, Kriegerkuhl un Quetschenhagen in’n Noordwesten.

Historie

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1793-00-001793	4 Füürsteden
1824-00-001824	4 Füürsteden
1871-12-011. Dezember 1871	32 Lüüd, 5 Hüüs

Religion

Kleverbarg is evangeelsch-luthersch präägt un höört to dat Kaspel von de Nicolai-Kark in Kumbarg.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

Dör Kleverbarg löppt de Kreisstraat 21, de in’n Noordwesten över Tollboom na Bülkau an de Landsstraat 144 ran geiht un in’n Süüdoosten över Westerhamm, Bargkamp, Süderbusch, Ellerbrook un Wittenmoor na Loomst. Na Noordoosten geiht von de K 21 de K 22 af, de na Kumbarg föhrt.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 27 Kilometer in’n Noordwesten von Kleverbarg.

De nächste Bahnhoff is so bi veer Kilometer wied weg in’n Noordoosten de Bahnhoff Kumbarg an de Nedderelvbahn.