Andreas Flocken

Andreas Flocken 1910

Flocken Elektrowagen van 1888

Andreas Flocken (* 6. Februar 1845 in Albersweiler, Rhienpalz; † 29. April 1913 in Coburg) weer en düütsch Ünnernehmer un Utfinner. De 1888 herstellt Flocken Elektrowagen gellt as dat eerst Elektroauto van de Welt mit veer Rööd. Flocken wurrd ok as Utfinner van de Spoorstang nömmt.

Werdegang

Andreas Flocken wurr as Söhn van den Küfer un Wienbargbesitter Jakob Flocken in Albersweiler/Rhienpalz boren. Nah den Schoolbesöök hett he en Utbillen as Schlosser un Mechaniker maakt. He hett bit ca. 1868 bi de Landmaschinenfabrik Heinrich Lanz AG in Mannheim arbeit. Bit 1879 weer he Werkführer bi de Firma Schoppers in Zeulenroda. 1879 truck he mit sien Familie nah Coburg in de Kreuzwehrstraße 8.

1880 hett Flocken in de Callenberger Straße 15 en Baugrundstück köfft. In dat glieker Johr hett he sien landwertschapliche Maschinenfabrik grünnd un hett en Fabrik baut. De Maschinenfabrik A. Flocken fung 1881 mit den Bau van landwertschaplich Maschinen (Häckselmaschinen un Ähnliches) an. 1883 truck Flocken in de Callenberger Straße 2 um. 1888 wurr de Afdeelen B för Elektrotechnik grünnd. Dor fung Flocken mit de Entwicklung van Elektroautos an, to dat he ok de regenerative Energie leefern dee: 1890 weer he Mitpächter van de städtisch Schliepmöhlen. De stunn dicht bi sien Fabrik. Flocken bedreev dor en van’t Water andreeven Dynamo.

Andreas Flocken is an’n 29. April 1913 in Coburg storven.

Literatur

• Harald H. Linz, Halwart Schrader: Die Internationale Automobil-Enzyklopädie. United Soft Media Verlag, München 2008, ISBN 978-3-8032-9876-8.
• Halwart Schrader: Deutsche Autos 1885–1920. Motorbuch Verlag, Stuttgart, ISBN 3-613-02211-7

Weblinks

Andreas Flocken. Mehr Biller, Videos oder Audiodateien to’t Thema gifft dat bi Wikimedia Commons.