Michael Houghton
Michael A. Houghton (* 1949 in England)[1] is en britisch Biochemiker un Viroloog, bekannt för sien Bedeeligen an de Entwicklung vun en Hepatitis-C-Tests.
Houghton stammt ut de Arbeiterklass, sien Vader weer Gewerkschaftsfunktschonär un Lastwagenfohrer. He weer en gooden Schöler un wurr mit 15 Johren nah de O-Stufen-Prüfung in en Privatschool upnommen, hett de A-Stufen-Prüfungen in Oxford un Cambridge, hett sück denn aber wegen dat goot Biologieprogramm för de University of East Anglia entscheeden.[1] Houghton hett Biologie an de University of East Anglia studeert (Bachelor 1972) un kreeg 1977sien Doktertitel an dat King’s College London. Dornah weer he an den Searle Research Laboratories in Buckinghamshire, bevör he 1982 Baas vun de Non-A-non-B-Hepatitis-Afdeelen bi Chiron Corporation wurde.[2] Af 2010 weer he denn an de University of Alberta up en Canada Excellence Research Chair in Virologie un as Li Ka Shing Professor för Virologie. He is dor Direkter vun dat Li Ka Shing Applied Virology Institute.
Nahdem Daniel W. Bradley vun de CDC Anfang vun de 1980er Johren dat Hepatitis-C-Virus (ormals noch Non A, Non B nöömt) ut Schimpansen-Serum isoleert harr, kunn dat Houghton (in Tosommenarbeit mit Bradley)[3] bi Chiron in Deelen kloneeren un en Test entwickeln, de Anfang vun de 1990er Johren to’n Insatz keem un den Test vun Blootkonserven gegen den Leberzirrhose un Leberkrebsertüügend Erreger mögelk maken dee.
To sien Team bi Chiron hörrn Qui-Lim Choo (Senior Scientist bi Chiron) un George Kuo (Baas vun de Immun-Chemie bi Chiron).
Utteknungen
[ännern | Bornkood ännern]1993 kreeg he den Robert-Koch-Pries mit Bradley un Hans-Georg Rammensee. 1992 kreeg he mit Choo, Kuo un annern den Karl Landsteiner Memorial Award vun de American Association of Blood Banks (AABB). Buterdem kreeg he 1994 den William Beaumont Prize vun de American Gastroenterological Association. För 2013 wurr hüm en Canada Gairdner International Award tospraaken, den he aber aflehnt hett, wiel sien Kollegen Choo un Kuo nich ebenfalls uttekent wurrn.[4]
För dat Opdecken vun den Hepatitis-C-Virus wurr Houghton 2020 gemeensam mit Harvey James Alter un Charles Moen Rice de Nobelpries för Physiologie oder Medizin tospraaken.[5]
Weblinks
[ännern | Bornkood ännern]
Enkeld Nahwiesen
[ännern | Bornkood ännern]- ↑ a b L. B. Seef, M. G. Ghany, Dr. Michael Houghton, in: Gilbert R. Thompson (Hrsg.), Pioneers of Medicine without a Nobel Prize, Imperial College Press 2014, S. 200 ff, google books
- ↑ Biographie in Boyer u. a. (Hrsg.): Liver Cirrhosis and Its Development, Kluwer 2001.
- ↑ Choo QL, Kuo G, Weiner AJ, Overby LR, Bradley DW, Houghton M. Isolation of a CDNA Clone Derived from a Blood-borne Non-A, Non-B Viral Hepatitis Genome, Science, Band 244, 1989, S. 359–362.
- ↑ Canadian declines prestigious Gairdner award for medical research. CBC/Radio-Canada (cbc.ca); afropen an’n 20. März 2013
- ↑ The Nobel Prize in Physiology or Medicine 2020. In: nobelprize.org, 5. Oktober 2020.