बिबी रेक्सा

ब्लेटा रेक्सा (अल्बानियाली उच्चारण: [ˈblɛta ˈɾɛdʒa], (अल्बानियाली भाषामा: ब्लेता रेक्जा) (जन्म:३० अगस्त १९८९), व्यावसायिक रूपमा बिबी रेक्साको रूपमा परिचित, एक अमेरिकी गायिका तथा गीतकार हुन्। सन् २०१३ मा, रेक्साले वार्नर ब्रोजसँग रेकर्डिङ सम्झौतामा हस्ताक्षर गरेकी थिइन्। अमेरिकी र्‍यापर एमिनेमको "द मोन्स्टर"नामक गीतको लेखन श्रेय रहेको छ जसले पछि, उत्कृष्ट र्‍याप/गायन प्रस्तुतिको रूपमा ग्रामी पुरस्कार प्राप्त गरेको थियो। उनले सिनी, सेलेना गोमेज र निक जोनस लगायतका कलाकारहरूका लागि पनि गीत लेखेकी छिन्। रेक्साले सन् २०१५ मा उनको पहिलो विस्तृत साङ्गीतिक सङ्ग्रह, "आई डन्ट वान ग्रो अप" सार्वजनिक गरेकी थिइन् जसले व्यावसायिक रूपमा मध्यम प्रदर्शन गरेको थियो। यसमा समावेश "आई कान्ट स्टप ड्रिङ्किङ एबाउट यु" र "आई एम गन सो यु क्रेजी" लगायतका गीतहरू चर्चित भएका थिए।

बिबी रेक्सा
२०१९ मा बिबी रेक्सा
व्यक्तिगत विवरण
वास्तविक नाम	ब्लेटा रेक्सा
जन्म	(1989-08-30) अगस्ट ३०, १९८९ ब्रोक्लिन, न्यु योर्क, अमेरिका
विधा	पप आर एन्ड बि विद्युतीय नृत्य सङ्गीत
पेशा	गायिका गीतकार रेकर्ड निर्माता
वाद्ययन्त्र	स्वर
सक्रिय वर्ष	सन् २०१०–हाल
लेबल	वार्नर ब्रोज रेकर्ड्स डिसीडि२ रेकर्ड्स द आइल्यान्ड डेफ ज्याम म्युजिक ग्रुप
सहयोगी	जि-इजि ब्ल्याक कार्ड्स लरेन क्रिस्टि
वेबसाइट	beberexha.com

सन् २०१७ मा, रेक्साले विस्तृत गीतहरूको सङ्गालो, अल योर फल्ट भाग १ र अल योर फल्ट भाग २ सार्वजनिक गरेकी थिइन् जसमा समावेश गीतहरू "आई गट यु" र "द वे आई आर (डान्स विथ समबडी) ले मध्यम सफलता प्राप्त गरेका थिए। रेक्साले अमेरिकी र्‍यापर जि-इजिसँग गरेको सहकार्यबाट सार्वजनिक गरिएको गीत "मि माइसेल्फ एन्ड आई" र मार्टिन गरिक्ससँगको साझेदारीमा निर्माण गरिएको गीत "इन द नेम अफ लभ" लगायतका उनका गीतहरू चर्चित बनेका थिए। अमेरिकी साङ्गीतिक समूह फ्लोरिडा जर्जिया लाइनसँगको सहकार्य संयुक्त रूपमा निर्माण गरिएको गीत "मिन्ट टु बी"ले देशव्यापी रूपमा ख्याति प्राप्त गरेको थियो जहाँ यो पछि, अमेरिकाको बिलबोर्ड तालिकाको शीर्ष २ मा आएको थियो।

रेक्साको पहिलो गिती सङ्ग्रह, एक्पेक्डिसन (सन् २०१८) बिलबोर्ड २००को १३औँ स्थानमा आएको थियो जहाँ समावेश उनको गीत "आई एम मेस"ले चर्चित भएको थियो जहाँ यसले उत्कृष्ट नयाँ कलाकार र उत्कृष्ट देशकालिन जोडी/सामुहिक प्रस्तुतिको तर्फबाट ६१औँ ग्रामी पुरस्कारमा माथि उल्लेखित मनोनयनहरू प्राप्त गरेको थियो।

प्रारम्भिक जीवन

रेक्साको जन्म ३० अगस्त १९८९ मा, ब्रोक्लिन न्युयोर्कमा भएको थियो। उनका बुबा आमा अल्बानियाली मुलका थिए। उनका बुबा, फ्लामुर रेक्सा अल्बानियाली नागरिक थिए जहाँ उनको जन्म तात्कालिक युगोस्लाभिया र हालको उत्तरी माकेदोनियाको सहर, देबारमा भएको थियो। उनी अमेरिकामा, २१ वर्षको उमेरमा बसाइँसराइ गरेका थिए। उनकी आमा, बुकुरिये रेक्साको जन्म अमेरिकामा भएको थियो जहाँ उनको परिवार गोस्तिभर (हाल उत्तरी माकेदोनिया) मुलका थिए। अल्बानियाली भाषामा उनको नाम ब्लेतेको अर्थ मौरी हो। उनको अनुसार, उनको परिवार अल्बानियाली मुलका हुन् र त्यहाँका मानिसहरूले उनलाई छोट्करीमा "बिबी" भनेर बोलाउने गर्दथे। उनको परिवार उनी ६ वर्षको उमेर छँदा, स्टाटेन टापुमा, बसाइँसराइ गरेको थियो।

रेक्साले ट्रम्पेट, गितार र पियानो बजाउन स्वत रूपमा सिकेकी थिइन्। रेक्साले स्टाटेन टापु स्थित, टोट्टेनभिल्ले उच्च विद्यालयमा अध्ययन गरेकी थिइन् जहाँ उनले सङ्गीतका विभिन्न विधामा सहभागी भएकी थिइन्। उनले उच्च विद्यालयमा अध्ययन गर्ने क्रममा, एक भजनमण्डलीमा आबद्ध भएकी थिइन्। भजनमण्डलीमा सहभागी भए पश्चात्, उनले आफ्नो स्वर राम्रो रहेको पत्तो पाएकी थिइन्। किशोरावस्थामा, रेक्साले रेकर्डिङ कला तथा विज्ञानको राष्ट्रिय विद्यापीठको वार्षिक ग्रामी पुरस्कारको कार्यक्रममा प्रदर्शन गर्ने उद्देश्यका साथ गीत पेश गरेकी थिइन्। रेक्साले "सर्वश्रेष्ठ किशोर गीतकार" पुरस्कार प्राप्त गरेकी थिइन् जहाँ उनले लगभग अन्य ७०० प्रवेशीहरूलाई उछिन्न सफल भएकी थिइन्। फल स्वरूप, उनको प्रतिभासँग प्रभावित भएर सामन्था कोक्सले उनीसँग एक सम्झौतामा हस्ताक्षर गरेकी थिइन्, जसले रेक्सलाई म्यानहट्टनमा गीत लेख्ने कक्षामा भर्ना गर्न प्रोत्साहित गरेको थियो।

साङ्गीतिक यात्रा

सन् २०११–२०१२: ब्ल्याक कार्ड्सको साथ साङ्गीतिक यात्रा प्रारम्भ

१ सेप्टेम्बर २०११ मा, पेटे वेन्ट्जको साथ रेक्सा

सन् २०१० मा, रेक्साले फल आउट ब्वाइजको बेस वाधक पेटे वेन्ट्जलाई भेटेकी थिइन्। उनले उनको साथ न्युयोर्क सहर स्थित एक रेकर्डिङ स्टुडियोमा काम गर्न सुरु गरेकी थिइन्। उनी पछि सदस्य बनेकी थिइन् र वेन्ट्जको नयाँ प्रयोगात्मक परियोजना ब्ल्याक कार्ड्सको गायिका बनेकी थिइन्। साङ्गीतिक समूहले विभिन्न प्रत्यक्ष कार्यक्रमहरूको आयोजना गरेको थियो र धेरै एकल तथा मिश्रित गीतहरू जारी गरेको थियो। यद्यपि, जनवरी २०१२ मा, वेन्ट्जले, रेक्सा अन्य परियोजनामा संलग्न हुनका लागि यस साङ्गीतिक समूह छोडेको घोषणा गरेको थियो। बिबी रेक्सालाई त्यस वर्षको गीतकारका रूपमा योगदानका लागि सक्षम भएको कारण आबे ओल्मान छात्रवृत्ति प्रदान गरिएको थियो।

सन् २०१३–२०१६: एकल प्रदापण, आई डन्ट वान ग्रो अप र सहकार्य

सन् २०१३ मा, रेक्साले वार्नर ब्रोजमा एकल कलाकारको रूपमा हस्ताक्षर गरेकी थिइन्।त्यस पश्चात्, रेक्साले सेलेना गोमेज र निक्की विलियम्सका लागि क्रमश: "लाइक अ च्याम्पियन" र "ग्लोइङ" लगायतका गीतहरू लेखिदिएकी थिइन्। सन् २०१३ मा, उनको सबैभन्दा प्रख्यात गीत लेखन प्रयास एमिनम र रियानाको " द मोन्स्टर" हो, जसलाई एमिनेमको गिती सङ्ग्रह द मार्सल माथर्स भाग २ बाट चौथो एकलको रूपमा जारी गरिएको थियो। गीत अमेरिकी बिलबोर्ड हट १०० र हट आर र बी/हिप हप गीत लगायतका साङ्गीतिक तालिकाहरूको शीर्ष स्थानमा पुगेको थियो जसले पछि, उत्कृष्ट र्‍याप/गायन प्रस्तुतिको रूपमा ५७औँ वार्षिक ग्रामी पुरस्कार समारोहमा, पुरस्कार प्राप्त गरेको थियो। सोही वर्ष, रेक्साले "टेक मि होम" नामक गीत लेखेकी थिइन् जसलाई क्यास क्यास (अमेरिकी साङ्गीतिक समूह)को गीतको रूपमा चयन गरिएको थियो।

२१ मार्च २०१४ मा, रेक्साले आफ्नो पहिलो गीत "आई कान्ट स्टप ड्रिङ्किङ एबाउट यु" सार्वजनिक गरेकी थिइन्। गीत अमेरिकी उत्कृष्ट हटसिकर तालिकाको २२ औँ स्थानमा आएको थियो भने यसको साङ्गीतिक भिडिओलाई १२ अगस्त २०१४ मा, सार्वजनिक गरिएको थियो। यसको साङ्गीतिक भिडिओ गर्ल, इन्टर्रप्टेड र मिलानकोलिया जस्ता चलचित्रहरूकाट प्रेरित थियो। नोभेम्बर २०१४ मा, रेक्साले पिटबुलको गीत "दिस इज नट अ ड्रिल"मा सहकार्य गरेकी थिइन्। सेप्टेम्बर २०१४ मा, उनलाई एल्भिस डुरानको महिना कलाकारको रूपमा चयन गरिएको थियो र उनलाई एनबिसीको टुडे नामक कार्यक्रममा चित्रित गरिएको थियो जसलाई क्याथी लि गिफोर्ड र हुदा कुब्तले सञ्चालन गरेका थिए। कार्यक्रममा, उनले आफ्नो गीत "आई कान्ट स्टप ड्रिङ्किङ एबाउट यु" प्रत्यक्ष रूपमा गाएकी थिइन्।

डिसेम्बर २०१४ मा, रेक्साले "आई एम गन सो यु क्रेजी" र "गन" लगायतका थप दुई गीतहरू सार्वजनिक गरेकी थिइन्। १२ मे २०१५ मा,उनले आफ्नो पहिलो साङ्गीतिक सङ्गालो, "आई डन्ट वान ग्रो अप", वार्नर ब्रोज रेकर्ड्स मार्फत सार्वजनिक गरेकी थिइन्। उनले फ्रान्सेली डिजे डेभिड गेतासँग गीत "हे मामा"लाई संयुक्त रूपमा लेखेकी थिइन् भने उनी त्यसको साङ्गीतिक भिडिओमा, निकी मिनाज र आफ्रोज्याकसँग देखिएकी थिइन्। गीत बिलबोर्ड हट १००को तालिकामा शीर्ष ८ मा पुगेको थियो र जुन २०१५ सम्म यसलाई १० लाख भन्दा बढी पटक अभिभारण गरिएको थियो।

जनवरी २०१५ मा, रेक्साले जि-इजीसँग सहकार्य गर्दै "मि माइसेल्फ एन्ड आई" लेखेकी थिइन् जसमा उनी चित्रित पनि भएकी थिइन्। गीत बिलबोर्ड तालिकाको शीर्ष ७ मा पुग्न सफल भएको थियो भने यस गीत अमेरिकी पप गीत तालिकाको शीर्ष स्थानमा पुगेको थियो। गीतको शीर्षक मूल रूपमा "आई डन्ट निड एनिथिङ" राखिएको थियो। यसको सट्टा, उनले जि-इजीसँग गीतको विचार अगाडि ल्याएकी थिइन् र द‍ोहोरिँदो पदको समयमा यसमा स्वर योगदान गरेकी थिइन्।

रेक्साले निकी मिनाजको प्रबन्धकलाई जि रोबरसनलाई भेटेकी थिइन् र उनलाई उनीसँग सहकार्य गर्नका लागि उनी मार्फत आह्वान गरेकी थिइन्। मार्च २०१६ मा, रेक्साले निकी मिनाजको विशेषता रहेको गीत "नो ब्रोकन हर्ट्स" जारी गरेकी थिइन्। अप्रिल २०१६ मा, यसको दृश्यलाई सार्वजनिक गरिएको थियो जसका निर्देशक डेभ मेयर थिए। यसले युट्युबमा, हालसम्म २७ करोड भन्दा बढी अवलोकन प्राप्त गरेको छ।

२९ जुलाई २०१६ मा, रेक्साले नेदरल्यान्डेली डिजे र रेकर्ड निर्माता मार्टिन गरिक्ससँगको सहकार्यमा उनीहरूको गीत "इन द नेम अफ लभ" जारी गरेका थिए। यसले बिलबोर्ड तालिकाको शीर्ष २४ मा स्थान बनाएको थियो भने यसले अमेरिक उत्कृष्ट नृत्य/विद्युतीय गीतको रूपमा सोही तालिकाको चौथो स्थान हासिल गरेको थियो। गीत, संयुक्त अधिराज्य, क्यानडा, अस्ट्रेलिया, इटाली र न्युजिल्यान्ड लगायतका देशहरूका साङ्गीतिक तालिकाको शीर्ष १० भित्र पर्न सफल भएको थियो। यसको भिडिओलाई २३ अगस्त २०१६ मा, मार्टिन गरिक्सको युट्युब च्यानल मार्फत सार्वजनिक गरिएको थियो।

रेक्सा सन् २०१६ मा, प्रस्तुति दिँदै

कलात्मकता

रेक्सा मुख्य रूपमा पप सङ्गीतका विभिन्न विधाहरूका लागि परिचित छिन्। उनको पहिलो गीतको श्रेय कोरियाली-पप साङ्गीतिक समूह साइनीको लागि रहेको छ जुन लुसिफर नामक गिती सङ्ग्रहको शीर्षक गीत हो। त्यसबेलादेखि उनले हिप हप, वैकल्पिक रक, आर एन्ड बी, देशकालिन, रक, नृत्य र विद्युतीय सङ्गीत जस्ता साङ्गीतिक विधाहरूमा गीतहरू गाउने गरेकी छिन्।

उनमा लउरेन हिलको मुख्यतया प्रभाव परेको छ। उनका गीतहरूमा अन्य कलाकारहरू जस्तै बब मार्ली, माडोन्ना, क्रिस्टिना अगुइलेरा, ब्लन्डी, आलानिस मोरिसेट्स र कोल्डप्लेको समेत प्रभाव देखिन्छ।

व्यक्तिगत जीवन

रेक्सा सिमान्कृत यौन अभिमुखिकरण, लैङ्गिक पहिचान र यौन विशेषता, समुदायको समर्थक हुन्। उनले आफ्नै यौनिकतालाई यौन अभिमुखीकरण पहिचानको रूपमा वर्णन गर्दछिन्। १५ अप्रिल २०१५ मा, रेक्साले उनलाई द्विध्रुवीय विकार रहेको खुलासा गरेकी थिइन्।

बाह्य कडीहरू

• आधिकारिक वेबसाइट