हारुकी मुराकामी

हारुकी मुराकामी
मुराकामी २००५, लेक्चर दिदैँ (MIT मा)
जन्म	(1949-01-12) जनवरी १२, १९४९ क्योटो, जापान
पेशा	उपन्यासकार, लघुकथा लेखक, निबन्धकार, अनुवादक Novelist, short-story writer, essayist, translator
राष्ट्रियता	जापानी
अल्मा मेटर	वासेदा विश्वविद्यालय
विधा	काल्पनिक, पारलौकिक, साइफाइ, Bildungsroman, picaresque, realism
उल्लेखनीय कार्यहरू	अ वाइल्ड सीप चेज (1982) नरवेजिन वुड (1987) द विन्ड अप बर्ड क्रोरोनिकल (1994–95) काफ्का अन द सोर (2002) 1Q84 (2009–10)
हस्ताक्षर
वेबसाइट
www.harukimurakami.com

हारुकी मुराकामी (村上 春樹 Murakami Haruki, जन्म: जनवरी १२, १९४९) जापानी लेखक हुन् । उनका पुस्तक जापान र विश्वमा समेत बढी बिक्री भएका छन् भने ५० भन्दा बढी भाषामा अनुवादीत छन् । उनका वस्तुगत र काल्पनिक विषयका लेखले उनलाई वर्ल्ड फ्यान्ट्यासी अवार्ड (२००६), फ्रेक ओकनर इन्टरनेसनल सर्ट स्टोरी अवार्ड (२००६) र अन्य पुरस्कार द फ्रेनक काफ्का प्राइज (२००६) र जेरुसेलम प्राइज (२००९) जिताएका छन् ।

उनका चर्चित कार्यहरूमा अ वाइल्ड सीप कज (१९८२) नोरवेजियन वुड (१९८७), द वाइन्ड अप बर्ड क्रोनिकल (१९९४-९५), काफ्का अन दि सोर (२००२), 1Q84 (२००९-१०) पर्दछन् । उनले रेमन्ड कारभर देखि जेडी सालिङ्गर जस्ता लेखकहरूको कार्य अनुवाद पनि गरेका छन् । उनका काल्पनिक लेखनलाई जापानी शैलीका नभएका पनि बताइन्छ जसको प्रभाव पश्चिमी लेखक च्यान्डलर देखि भोनिगटबाट परेको बताइन्छ । बढी नै कल्पनाशील, अवास्तविक, "kafkaesque" (दर्दनाक स्थिति झल्कने) शैलीका, एक्लोपनले भिजेको मानिन्छ । उनलाई उत्तरआधुनिक साहित्यको प्रमुख व्यक्तितब पनि मानिन्छ । उनलाई गार्डेन पत्रिकाले "महान् जीवित लेखकहरु मध्येका एक" भनेर पनि बयान गरेको छ ।,

जीवनी

मुराकामीको जन्म क्योटो, जापानमा विश्व युद्ध २ पश्चात्को समयमा भएको थियो । उनका बाबू बौद्ध भिक्षुका पुत्र थिए । मुराकामीका आमा ओसाकाका व्यापारीकि छोरी थिईन् । मुराकामी एक्ला छोरा हुन् र मातापिता दुवै जापानी साहित्य पढाउँथेँ । सानै देखि पश्चिमा मुलुकको प्रभाव, रसियाली संगीत र साहित्यको छाप उनमा पर्यो । उनी सानै देखि युरोपेली र अमेरिकी लेखकहरूको साहित्य पढ्दै हुर्किए । यस्तो छापले उनलाई अन्य लेखक भन्दा भिन्न पहिचान बनाएको छ ।

मुराकामीले वासाडा विश्वविद्यालयबाट नाटक पढेका हुन् जहाँ उनले आफ्नी भविष्यकि श्रीमती योको भेटिन् । उनको पहिलो जागिर रेकर्ड स्टोरमा थियो । अध्ययन पूरा हुँदै जाँदा उनले कफी घर र जाज बार पनि खोले । दाम्पत्य जीवनमा मुराकामी र योकोले सन्तान नजन्माउने निर्णय गरे । मुराकामी म्याराथन दौडन्छन्, र ३३ वर्षमा उनले दौड्न सुरु गरे । २३ जुन १९९६ मा उनले आफ्नो पहिलो अल्ट्राम्याराथन भ्याए । यसै विषयलाई उनले आफ्नो सन् २००८ को "वाट आइ टक अबाउट वेन आइ टक अबाउट रनिङ" मा बयान गरेका छन् ।

लेखन यात्रा

मुराकामी २९ वर्ष भएपछि उनले लेख्न सुरु गरे । उनकै अनुसार उनी पहिले लेख्दैन्थे, र अरु जस्तै साधारण थिए र केही रच्दैन्थे । उनले बेस्बेल खेल हेर्दै गर्दा लेखनको रहर जागेको बताउँछन् । उनले आफ्नो हिलो रचना साहित्यिक प्रतियोगितामा पठाएका थिए र जिते ।