Faigi kode Hong Kong

'''Hong Kong''' (/ˈhɒŋkɒŋ/; Li Tionghoa: 香港) no sambua gölana administratif ni'onia'ö ba Tiongkok Selatan. Sowanua khönia 7,5 juta niha heŵa'ae fa'ebolonia ha 1.104 km<sup>2</sup>. Börö da'ö Hong Kong no tobali sambua ba gotalua nahia fondrege fasösö niha ba gulidanö. Tetou'ö ia barö wamatörö [[Inggris]] me 1898 irugi 1997. Götö wamatörö Inggris andrö abölö tedou wangalui niha ba Hong Kong. Baero wa'atedou lala wangalui owua-wua göi dödö zowanua khönia: bosi wa'oya nifotöi ''kriminalitas'' no adawa-dawa, oya tefasindro zekola, simanö göi te'a'asogö nomo niha si no bihasa, no oya nifotöi ''lembaga'' samalua halöŵö si sökhi si tobali fanolo zato ba oya tefasindro gosali. I'otarai 1997 mangawuli Hong Kong khö [[Tiongkok]], heŵa'ae no göi la'osara'ö ira samötörö Inggris ba Tiongkok, wa ba zi 50 fakhe i'otarai 1997 mufatörö Hong Kong molo'ö prinsip "sambua negara dombua lala wamatörö".

== Barö wamatörö Inggris ==

Aefa wasuwöta ba gotalua Tiongkok ba Britania Raya lahalö wangosara dödö me 1860 wanou'ö bolo danö Kowloon ba danga wamatörö Britania Raya, bahiza bolo danö si so bakha Hong Kong nifotöi New Territories mube'e khö Britania Raya ha 99 fakhe i'otarai 1 Yuli 1898 irugi 30 Yuni 1997. I'otarai 1 Yuli 1997 Hong Kong lafangawuli khö Tiongkok. Götö we'aso Hong Kong barö wamatörö Britania Raya ba no to'ölö ira ba sambua lala wamatörö si no fabö'ö moroi ba lala wamatörö Tiongkok. Börö da'ö fangötö (li Indonesia ''transisi'') moroi ba zi sambua sistem lumalö ba danö bö'ö no afökhö sibai khö Hong Kong.<ref>Christopher Patten (1998), ''East and West: The Last Governor of Hong Kong on Power Freedom and the Future'', New York, Times Books, <nowiki>ISBN 0-8129-3000-2</nowiki>, nga'örö 3-5. ({{-en-}})</ref>

Ba ginötö wamatörö Britania Raya andre göi abölö tedou wangalui niha ba Hong Kong. Baero wa'atedou lala wangalui owua-wua göi dödö zowanua khönia: bosi wa'oya nifotöi ''kriminalitas'' no adawa-dawa, oya tefasindro zekola, simanö göi te'a'asogö nomo niha si no bihasa, so oya nifotöi ''lembaga'' samalua halöŵö si sökhi si tobali fanolo zato ba oya tefasindro gereja.<ref>Christopher Patten (1998), nga'örö 14-15.</ref>

Molo'ö Christopher Patten, si no irai tobali gubernur Hong Kong, andrö wa tola tedou Hong Kong börö me so khönia lala wamatörö ba ngawalö huku si sökhi, ba lala waniaga sanema'ö gofu haniha manö.<ref>Christopher Patten (1998), nga'örö 13-14.</ref>

== Fangawuli khö Tiongkok ==

Ba ginötö rafe ba wama'anö wamuli Hong Kong khö Tiongkok me döfi 1982, ifa'ema mbua wangera-ngerania [[Deng Xiaoping]] sanandrösa ba nifotöi "sambua negara dombua lala wamatörö". Da'a no sambua lala si bohou si lö irai tefalua ba gulidanö. Oya lahalö gorahua ba wangosara'ö hewisa wamotokhi ya'ia, irugi döfi 1984 me la'osara'ö ia bakha ba sambua zura nifotöi [[Sino-British Joint Declaration|Joint Declaration]]. Molo'ö ''dokumen'' wahasara dödö andre aefa tefangawuli Hong Kong ba Tiongkok ba ndröfi 1997, i'otohugö nasa Hong Kong lala wamatörö si no to'ölö ia barö wamatörö Britania Raya 50 fakhe wa'ara. Aefa da'ö i'o'ö lala wamatörö nifataro Tiongkok khönia.<ref>Christopher Patten (1998), nga'örö 20.</ref>

== Demografi ==

[[Berkas:Hong Kong Budha.jpg|jmpl|Tian Tan Buddha ma asese lakaoni faoma ''Big Buddha'', ba Pulau Lantau, Hong Kong]]
[[Berkas:HK WongTaiSinTemple.JPG|jmpl|Kuil Wong Tai Sin (Hong Kong)]]
[[Berkas:Hkcatholiccathedral.jpg|jmpl|Katedral Dikandung Tanpa Noda (Hong Kong) ba Hong Kong]]
Na lafaigi moroi ba geluaha wehede ''demografi'' andre, tola lamane; '''fa'afasösö''' niha ba zi sambua nahia. Ba zinura da'a, ya'ia da'ö, hewisa wa'afasösö niha ba Hong Kong.  

Fa'afasösö Hong Kong andre ba ndröfi si 2011 ya'ia da'ö so ba zi 7,07 juta niha wa'ato, na lafaigi wa'amanöi wa'afasösö so ba zi ''rata-rata'' 0,6% ero döfi ba zi 5 fakhe andre. Niha moroi ba '''Tiongkok daratan''' tebai manörö-nörö sibai ba da'a, yamendrua sa'ae na omasi ira manaro'o.<ref name="immd">{{cite web|url=http://www.immd.gov.hk/ehtml/hksarvepid.htm|title= Right of Abode in HKSAR—Verification of Eligibility for Permanent Identity Card|publisher=[[Immigration Department (Hong Kong)|Immigration Department]], Hong Kong Government|date=5 June 2007|accessdate=2 Oktober 2022|archiveurl=https://web.archive.org/web/20080119033446/http://www.immd.gov.hk/ehtml/hksarvepid.htm<!--Added by H3llBot-->|archivedate=19 January 2008}}</ref> Hewa'ae simanö, ba hiza niha ''imigran'' moroi ba Tiongkok, so ba zi 45.000 niha wa'ato ero döfi, da'a zimöi fangoya wa'afasösö niha ba Hong Kong andre. Fa'alaŵa wanötöna niha wa'atua ma fa'auri ba gulidanö ba Hong Kong ya'ia da'ö 79.16 fakhe na iramatua ba 84.79 fakhe na ira'alawe, da'a lafaigi me döfi si 2009 si lalö, si no möi sambua mbanua fondrege zalaŵa döfi niha ba zi sagörö ulidanö.

So ba zi 93.6% niha ba Hong Kong ya'ia da'ö nga'ötö Tionghoa, sabölö ato ba gotaluara ya'ia da'ö niha '''Taishan''', niha '''Teochew''' ma asese laŵa'ö niha '''Chiu Chow''', niha '''Kanton''', faoma niha '''Hakka'''. ''Suku'' '''Han''' ba Hong Kong ya'ia da'ö moroi ba provinsi [[Guangzhou]] faoma [[Taishan]] ba provinsi Guangdong. Tanöbö'önia 6,4% ya'ia da'ö si tenga Tionghoa ma moroi ba soi bö'ö. Simane so niha India, Pakistan, Nepal, mazui niha sifatewu ''(pengungsi)'' moroi ba Vietnam si no ara toröi ba Hong Kong. So göi ma'ifu niha Inggris, Amerika, Kanada, Korea, faoma niha Jepang sohalöŵö ba ''sektor komersial'' faoma ''keuangan''.

[[Berkas:City masjid.JPG|jmpl|Mosque, Tsim Tsa Tsui, Kowloon, Hong Kong]]
Li ni'oguna'ö ba Hong Kong na molo'ö huku ma lamane molo'ö; ''de facto'' ya'ia da'ö li '''Kanton''', li '''Mandarin''' moroi ba provinsi Guangdong.<ref>{{cite web|url=http://jmsc.hku.hk/hkstories/content/view/97/35/|last=Westra|first=Nick|date=5 June 2007|title=Hong Kong as a Cantonese speaking city |publisher=[[Journalism and Media Studies Centre]], University of Hong Kong|accessdate=2 Oktober 2022}}</ref> Li Inggris no tobali tuho li göi ba Hong Kong, molo'ö ''sensus'' nifalua me döfi si 1996 sangoguna'ö li Inggris andre so ba zi 3,1% niha mbanua ero ma'ökhö ba 34,9% sombali'ö li Inggris andre, li numero dua.<ref>{{cite web|url=http://www.ucl.ac.uk/english-usage/ice/icehk.htm|title=ICE Hong Kong|publisher=[[University College London]]|accessdate=1 February 2008}}</ref> Ngawalö dandra nisura ba li Mandarin faoma Inggris oya tesöndra ba Hong Kong. I'otarai me döfi si 1997, niha ''imigran'' moroi ba Tiongkok no la tundreheni ba wangoguna'ö li Mandarin ero inötö ba Hong Kong.<ref>{{cite journal|url=http://www.swarthmore.edu/SocSci/Linguistics/Papers08/Yum.pdf|last=Yum|first=Cherry|title=Which Chinese? Dialect Choice in Philadelphia's Chinatown|year=2007|publisher=[[Haverford College]]|accessdate=2 Oktober 2022}}</ref>

Niha Hong Kong, ato zi lö hadöi ''agama'', lö mu'ila sibai hadia fao ba ''agnostik'' ma ba gangolifa ''ateis''.<ref>{{cite web |url=http://www.bmm.org/BMM/WhereWeServe/Asia/hongkong.htm |title=Hong Kong |publisher=Bmm.org |date=1 July 1997 |accessdate=2 Oktober 2022 |archive-date=2011-09-27 |archive-url=https://web.archive.org/web/20110927073506/http://www.bmm.org/BMM/WhereWeServe/Asia/hongkong.htm |dead-url=yes }}</ref> Molo'ö US Department of State, ha 43% moroi ba niha Hong Kong zi so ''agama''.<ref name="state.gov">{{cite web|url=http://www.state.gov/g/drl/rls/irf/2010/148863.htm#hong_kong |title=China (Includes Tibet, Hong Kong, Macau) |publisher=State.gov |accessdate=2 November 2011}}</ref> Mana'i so zame'e fangombakha wa abölö alaŵa moroi ba nifareso ''survei Gallup'', ya'ia da'ö 64% moroi ba niha Hong Kong lö farisayo ba ''agama'',<ref>{{Cite journal|first=Marita |last=Carballo|title=RELIGION IN THE WORLD AT THE END OF THE MILLENNIUM|url=http://www.gallup-international.com/ContentFiles/millennium15.asp|publisher=[[Gallup International Association]]|archiveurl=https://web.archive.org/web/20110720050317/http://www.gallup-international.com/ContentFiles/millennium15.asp|archivedate=20 July 2011 |accessdate=2 Oktober 2022}}</ref><ref>{{cite web |url=http://www.countdown.org/end/apostasy_04.htm |title=Apostasy |publisher=Countdown.org |accessdate=2 Oktober 2022 |archive-date=2011-07-25 |archive-url=https://web.archive.org/web/20110725200439/http://www.countdown.org/end/apostasy_04.htm |dead-url=yes }}</ref> ba hiza, so ba zi 80% moroi ba niha Hongkong lö ''agama''.<ref>{{cite web |url=http://www.slidefinder.net/h/hong_kong_youth_know_practice/7539973 |title=Do Hong Kong youth know how to practice safe sex? |publisher=Slidefinder.net |date=14 January 2010 |accessdate=2 Oktober 2022 |archive-date=2011-10-07 |archive-url=https://web.archive.org/web/20111007195631/http://www.slidefinder.net/h/hong_kong_youth_know_practice/7539973 |dead-url=yes }}</ref>

== Umbu ==

<references />


[[Kategori:Hong Kong]]