Fa'omasi

Fa'omasi ya'ia da'ö fa'edöna (Li Indonesia mengasihi, mencintai) bö'ö göi na lawaö ösi dödö (Li Indonesia isi hati). Fa'omasi niha khö nawönia niha ma faedöna dödö ba nawö, tola göi simane fa'omasi niha ba mbanuania.

Fa'omasi oya ngwalönia

1. Fa'omasi ba nösi nomo, simane fa'omasi nama khö nina, fa'omasi zatua ba ndraononia, fa'omasi gawe khö ma'uwunia, fa'omasi ndraono ba zatua, ba tanöbö'önia;
2. Fa'omasi ba nawö, simane faomasi ba gotalua zifariawö, ba gotalua sifao ba gangowuloa, sifao ba wohalöŵö, ba tanöbö'önia;
3. Fa'omasi ba mbanuania, simane fa'edöna dödö ba wamaeri/fangehaogö banuania, fa'edöna wolau sisökhi ba wondrou'ö ba wondrorogö banuania, ba tanöbö'önia;
4. Fa'omasi ba zifatalifusö, simane fa'omasi ga'a ba nakhinia mazui fa'omasi nakhi khö ga'ania;
5. Fa'omasi ba wangakali, asese lawaö fa'omasi mbekhu, "tolo manölö" eluahania itolo ba efada'ö ba ifadagö wangakali/wangokhögö okhöta nitolonia;
6. Fa'omasi mboto, simane fa'omasi ndramatua ba ndra'alawe, fa'omasi ndra'alawe ba ndramatua, asese lawaö fa'omasi nga'eu (Kasih eros);
7. Fa'omasi ba wa'aLowalangi, simane sangomasiö nawöda niha si no fagölö ita omböila Lowalangi (Ba Li Indonesia Kasih Agape);
8. ba tanöbö'önia.