Amager

Amager
Geografi
Stad	Østersund
Koordinatar	55°37′N 12°35′E
Areal	96,29 km²
Administrasjon
Land	Danmark
Kommunar	Københavns kommune, Tårnby kommune, Dragør kommune
Demografi
Folketal	160 064

Amager er ei øy i Øresund på om lag 90 kvadratkilometer og ligg nær Sjælland sin austkyst. Øya er omkransa av sandstrender og består for øvrig mest av lågt jordbruksland. På 1900-talet vart øya gjort større ved å demme opp Kalvebodane. I dag er det meste av Amager urbant, sjølv om Dragør og Kastrup stadig har landbruk, skog og naturområde. Administrativt er øya delt mellom Københavns kommune, Dragør kommune og Tårnby kommune. Ein person frå Amager vert kalla ein amagerkanar.

Den københavnske delen består av bydelane Christianshavn, Sundbyøster, Sundbyvester og Islands Brygge, ein del av Vestamager og av Ørestad.

Amager er forbunde med Sjælland via bruene Knippelsbro, Langebro, Sjællandsbroen og Kalvebodbroerne. Dessutan er øya forbunde med Sverige via Øresundsbrua - frå Kastrup på Amager til Lernacken sør for Malmø.

På øya ligg mellom anna

• København lufthamn.
• Delar av København Universitet. Mellom anna Det humanistiske fakultet
• IT-Universitetet
• Ørestad.
• Det største hotellet i Danmark, Radisson SAS Scandinavia Hotel.
• Bella Center, det største utstillings- og kongresssenteret i Skandinavia.
• Field's, det største kjøpesenteret i Skandinavia.
• Metroen har fleire stasjonar på øya.
• Christiania.
• Vor Frelsers Kirke, kjend for spiralspiret sitt.

Byar på Amager (utover dei delane som vert rekna som ein del av København):

• Dragør
• Store Magleby

Historie

Hollendarar vart invitert av Christian 2. til å dyrke grønnsakar på Amager i 1521. Dette var for å kunne forsyne København med grønnsakar.

Amager var fram til om lag 1970 òg staden der københavnarane deponerte avfall. Derfor vert øya stundom kalla «lorteøen» på folkemunne.