Kardítsa

Kardítsa Lokalt namn Καρδίτσα
Gate i Kardítsa
Geografi
Stad	Thessalía
Koordinatar	39°22′N 21°55′E
Areal	647,6 km²
Administrasjon
Land	Hellas
Periferi Periferieining	Thessalía Kardítsa
Hovudsete	Kardítsa (38 554 innb.)
Demografi
Folketal	56 747 (2011)
Folketettleik	87,7 /km²

Kardítsa (gresk Καρδίτσα) er ein by og ein kommune i periferieininga med same namn i Thessalía i Hellas. Han er òg hovudsete i periferieininga. Området har vore busett sidan rundt år 9000 fvt. Kardítsa ligg sørvest for Palamás og Lárisa, vest for Fársala og Vólos, nordvest for Aten, Lamía, Domokós og Sofádes, nord for Karpenísi, nordaust for Árta og søraust for Tríkala, Grevená, Ioánnina og Kalambáka.

Kardítsa har skular, latinskular og gymnas. Her ligg veterinærinstituttet til Thessalía universitet, kyrkjer, bankar, eit postkontor og ein togstasjon langs Tríkala-Kardítsa-Domokós-linja. Kardítsa er ein av dei mest syklistvenlege byane i Hellas med mange sykkelstiar. Om lag 30 % av all transport i byen skjer på sykkel.

Historie

Kardítsa var den første byen i Europa som vart frigjeve frå nazistane sin okkupasjon under den andre verdskrigen. Felttoget i Thessalía vart utkjempa av ELAS (gresk Ελληνικός Λαϊκός Απελευθερωτικός Στρατός, Ellinikós Laikós Apelevtherotikós Stratós), eller Det greske folkets frigjeringshær, den militære avdelinga til den venstreorienterte Nasjonal Frigjeringsfront (EAM).

Administrativ inndeling

Kart over kommunaleiningane i kommunen Kardítsa. ██ 1 - Kardítsa ██ 2 - Ítamos ██ 3 - Kallífono ██ 4 - Kámbos ██ 5 - Mitrópoli

Kommunen vart danna i 2011 ved at ein slo saman dei tidlegare kommunane

• Kardítsa
• Ítamos
• Kallífono
• Kámbos
• Mitrópoli

Dei fem tidlegare kommunane er no kommunaleiningar.

Den tidlegare kommunen Kardítsa, no kommunaleininga Kardítsa

Byar og tettstader

Dei største byane og tettstadene i kommunen er:

Tettstad	Kommunaleining	Folketal 2011
Kardítsa	Kardítsa	38 554
Kardítsomagoúla	Kardítsa	2 063
Artesianó	Kardítsa	1 296
Mitrópoli	Mitrópoli	1 262
Kallifóni	Kallífono	1 017
Kallíthiro	Ítamos	928
Makrykhóri	Kámbos	822
Pródromos	Kámbos	811
Stavrós	Kámbos	792
Paleokklísi	Kardítsa	689
Mýrina	Kámbos	684
Ájos Theódoros	Kámbos	682
Mávrika	Kardítsa	565

Bakgrunnsstoff

• Offisiell nettstad (gresk)

Kjelde

• Denne artikkelen er basert på ei omsetjing av artikkelen Karditsa frå Engelsk Wikipedia .