Jauhen Misjulja

Jauhen Misjulja
Statsborgarskap	Belarus
Fødd	13. mars 1964 (60 år) Hrodna
Idrett	friidrett
Tok del i	Sommar-OL 2004, Sommar-OL 1996, Sommar-OL 1988
Utmerkingar	Master of Sport of the USSR, International Class

Jauhen Misjulja, russisk: Jevgenij Nikolajevitsj Misjulja, (fødd 13. mars 1964) er ein kviterussisk tidlegare kappgjengar frå Hrodna som vann EM-sølv og to VM-bronsar på 20-kilometer i åra 1991-95. Han representerte Sovjetunionen til 1991.

Aktiv

Misjulja kneip bronsemedaljen på 20 km ved verdsmeisterskapen i Tokyo i 1991, langt over halvminuttet bak vinnaren Maurizio Damilano frå Italia og sin eigen lagkamerat Mikhail Sjtsjennikov. Etter ein femteplass i VM 1993, gjekk Misjulja inn til sølvmedalje i europameisterskapen 1994 i Helsinki. Han måtte då på ny sjå seg frågått av Sjtsjennikov, i ei tevling der dei to utøvarane ikkje representerte Sovjetunionen men kvart sitt land, Kviterussland og Russland.

Misjulja vann VM-bronse nummer to i Göteborg-VM 1995, der han passerte målstreken 49 sekundar bakom italienaren Michele Didoni og 26 sekundar etter spanske Valentí Massana. Misjulja var aktiv heilt fram til Sommar-OL 2004 i Aten. I den ni sesongar lange perioden frå 1996 var to sjetteplassar hans beste prestasjonar, fyrst i VM 1997 og så i EM 2002.

Medaljar og plasseringar i internasjonale meisterskap

• OL 1988 i Seoul: Nr 27 på 20 km – 1.24.39
• VM 1991 i Tokyo: Bronsemedalje på 20 km – 1.20.22
• VM 1993 i Stuttgart: Nr 5 på 20 km – 1.23.45
• EM 1994 i Helsinki: Sølvmedalje – 1.19.22, bakom Mikhail Sjtsjennikov (1.18.45)
• VM 1995 i Göteborg: Bronsemedalje på 20 km – 1.20.48
• OL 1996 i Atlanta: Nr 9 på 20 km – 1.21.16. Braut 50 km
• VM 1997 i Aten: Nr 6 på 20 km – 1.23.10
• EM 1998 i Budapest: Braut 50 km
• VM 2001 i Edmonton: Diskvalifisert på 20 km
• EM 2002 i München: Nr 6 på 20 km – 1.20.56
• VM 2003 i Paris: Nr 12 på 20 km – 1.20.38
• OL 2004 i Aten: Nr 19 på 20 km – 1.25.10

Kjelder

• Denne artikkelen bygger på «Jauhen Misjulja» frå Wikipedia på tysk, den 10. juni 2019.

• Denne artikkelen bygger på «Yevgeniy Misyulya» frå Wikipedia på engelsk, den 10. juni 2019.

• «Yauhen Misiulia» (på engelsk). Olympedia. Henta 13. mars 2023.