Aust-Berlin
| Aust-Berlin | |||
| by | |||
 | |||
|
|||
| Land |  Den tyske demokratiske republikken
| ||
|---|---|---|---|
| Areal | 409 km² | ||
| Folketal | 1 279 212 (1989) | ||
 Aust-Berlin 52°31′07″N 13°24′16″E / 52.518611111111°N 13.404444444444°E | |||
 ██ Vest-Berlin.
██ Aust-Berlin.
| |||
| Wikimedia Commons: East Berlin | |||
.svg)
Aust-Berlin var den delen av Berlin som under den kalde krigen utgjorde den sovjetiske okkupasjonssona og vart utropt til hovudstad i Den tyske demokratiske republikken (DDR).[1][2]
Berlin vart delt etter at Sovjetunionen ikkje aksepterte valet av Ernst Reuter til overborgermeister, og difor innsette sin eigen overborgermeister for Aust-Berlin i 1948. Den andre delen av Berlin vart kjend som Vest-Berlin. Forfattinga til Aust-Tyskland frå 1949 erklærte «Berlin» (dvs. Aust-Berlin) som hovudstad i Aust-Tyskland.[1] Styresmaktane i Aust-Tyskland kalla Aust-Berlin for Demokratischer Sektor von Berlin (den demokratiske sektoren i Berlin) og Demokratisches Berlin (demokratisk Berlin). Etter at Aust-Tyskland bygde Berlinmuren for å skilje Aust-Berlin frå Vest-Berlin i 1961 brukte Aust-Tyskland vanlegvis nemninga Berlin (Hauptstadt der DDR) eller Berlin om Aust-Berlin. Vest-Berlin vart omtalt som Berlin (vest) eller Westberlin. I Vest-Tyskland vart Aust-Berlin referert til som Aust-Berlin eller Berlin (aust).
Sovjetunionen anerkjende Aust-Berlin som hovudstaden til DDR, men det gjorde ikkje dei vestleg allierte maktene: Storbritannia, USA og Frankrike.[3] Vestlege land refererte i byrjinga heller til bydelen Pankow som sete til dei austtyske styresmaktene.[2]
Berlinmuren fall 9. november 1989, og Berlin vart gjenforeint 3. oktober 1990.
Kjelder
- ↑ 1,0 1,1 Vibe, Kjeld (1962). Berlin-spørsmålet. Chr. Michelsens institutt. s. 14.
- ↑ 2,0 2,1 Vale, M., & Mahnke, H. H. (1981). «The Problem of East Berlin as Capital of the GDR». International Journal of Politics 11 (4): 67–96.
- ↑ «East Germany: August 1973» (PDF). National Intelligence Survey (på engelsk) (CIA): 22.
- Denne artikkelen bygger på «Øst-Berlin» frå Wikipedia på bokmål, den 14. desember 2011.
