Voltige

Gruppevoltige (Kür)

Voltige (frå fransk la voltige) er turn til musikk på hesteryggen.

Ein ekvipasje i voltige er sett saman av ein hest, ein longør og ein eller fleire voltigørar. Longøren har hesten i ei lang line (longeline) og fører han i ein sirkel eller volte. Voltigøren eller voltigørane turnar på hestryggen. Grunnleggande dugleikar i voltige er mellom anna spenst, balanse, styrke og teknikk. Voltige, som er den nyaste idrettsgreina til Norges Rytterforbund, har vore eiga grein sidan 1996.

Konkurranse

Ein konkurranse i voltige er sett saman av obligatorisk program og ein fristildel kalla kür, der utøvarane sjølv set saman programmet.

Anna

Voltige førekjem også i oppvisningar og sirkusnummer, samt i terapiriding for folk som har ulike funksjonshemminger. Mange rideskular brukar også voltige i rideundervisninga.

Bakgrunnsstoff

• Om voltige hos Norges Rytterforbund Arkivert 2012-05-08 ved Wayback Machine.
  Denne artikkelen er ei spire. Du kan hjelpe Nynorsk Wikipedia gjennom å utvide han.