Snåsa kommune

Snåsa kommune
kommune
Kommunevåpen
Land	Noreg
Fylke	Trøndelag
Adm.senter	Snåsa
Areal	2 343 km²
•  land	2 160 km²
•  vatn	183 km²
Folketal	2 114  (1. januar 2024)
Målform	bokmål, nynorsk
Norsk målform	nøytral
Samisk språk	sørsamisk
Ordførar	Arnt Einar Bardal (Sp)
Kommunenr.	5041
Snåsa 64.24606°N 12.38298°E / 64.24606; 12.38298
Kart som viser Snåsa kommune. Kart som viser Snåsa kommune.
Wikimedia Commons: Snåsa
Nettstad: www.snasa.kommune.no

Snåsa (sørsamisk: Snåase) er ein kommune i Trøndelag fylke som grensar til Steikjer, Verdal, Lierne, Grong og Overhalla. Han ligg nær det geografiske midtpunktet i Noreg.

Han er eit kjerneområde for sørsamisk, og 3-4 % av innbyggjarane står i Samemanntalet. Snåsa vedtok i september 2004 å ha både norsk og sørsamisk som administrasjonsspråk, og 1. januar 2008 vart kommunen, som den første i sørsamisk område, innlemma i Samisk språkforvaltingsområde, og dermed offisielt tospråkleg.

Natur

Sentrum ligg ved den nordaustre enden av Snåsavatnet, som er den sjette største innsjøen i Noreg. Det er eit av over 2 500 fiskevatn som finst i kommunen. Nesten halvparten av kommunen er lagt ut som nasjonalpark. Snåsa er den nordlegaste staden i Noreg for fleire planteartar, som svart-or, fruesko og myrkongle.

Orkideen marisko er avbilda i kommunevåpenet.

Næring

Næringslivet i Snåsa er i stor grad landbruk, med industri utvikla med utgangspunkt i naturprodukt i kommunen, som tømmer og stein.

Kommunen er eit trafikknutepunkt som både Europaveg 6 og Nordlandsbanen går gjennom.

Verd å vitja

• Bergsåsen naturreservat på ein kalkrygg sentralt i Snåsa
• Blåfjella-Skjækerfjella Nasjonalpark
• Gaundalen og Gjefsjø, to av tre norske fjellgardar som framleis er i drift
• Finsås, skogmuseum
• Megard kyrkestad, som har ei kjelde som skal vera signa av Heilag-Olav
• Saemien Sijte, kultursenter for den sørsamiske kulturen
• Snåsa Bygdemuseum i Viosen
• Snåsa kyrkje, ei steinkyrkje der dei eldste delane er frå det 13. hundreåret

Bakgrunnsstoff

• Snåsa kommune sine heimesider