Sieaume

• Cotentinais : eune siâome
• Jèrriais : un sieaume ou psaume
• Guernésiais : eun siaume

Ch't' articl'ye fut c'menchie en Jèrriais

Sieaume 24

Un sieaume est eune chanson r'ligieuse dé louange et en partitchulyi les cheinnes d'la Bibl'ye.

Les Sieaumes biblyiques 'taient împortants pouor les Juis et les preunmié Chrêtchiens chantaient ches sieaumes étout.

Dans l'Vièr Testament d'la Bibl'ye y'a 150 Sieaumes (pouor les Catholiques Romains, les Anglyicans et les Protestants) ou 151 (pouor l's Orthodoxes) - mais les cheins tch'en ont 150 n'caltchulent pon d'même.

S'lon la couôteunme, l'auteu des Sieaumes fut l'Rouai Dâvi, mais probabliément y'avait un fliotchet d'auteurs avaû l's années et les Sieaumes fûtent arreunés pus tard.