Onomatopèia

Una onomatopèia (del grèc ονοματοποιία, « creacion de mots ») es una categoria d'interjeccion emesa per simular un bruch particular associat a una persona, una bèstia o una causa, per l'imitacion dels sons qu'aquestes produson. D'unas onomatopèias que i a son improvisadas espontanèament, d'autras son convencionalas.

Lista d'onomatopèias tradicionalas

onomatopèias de sons divèrses

• clic clac: onomatopèia pel son del flisquet.
• flisc / flic flac / flisca flasca: onomatopèia pel son del flisquet.
• patrac, patrac: onomatopèia que imita lo galaup d'un caval.
• pataflau / pataflesc / pataflesca / pataflòsc / pataflòsca : onomatopèias que marcan un bruch de cabussada.
• pataplan: onomatopèia que imita un bruch de tambora.

onomatopèias dels sons animals

• cacaracà / cacalà / cacalacà : cant del gal.
• piu-piu: piuladís d'aucelon o de poleton.

Vejatz tanben

• Mimologisme
• Lista de mots redoblats
• Lista de formulas rimadas