Alanha

Vilatge d'Occitània

Alanha
Alaigne

La pòrta de Pépi (nom francés : Pepin ?).

Armas

Geografia fisica

Coordenadas

43° 06′ 08″ N, 2° 05′ 30″ E

Superfícia

13,86 km²

Altituds
· Maximala
· Mejana
· Minimala

444 m
320 m
244 m

Geografia politica

Lengadòc

Rasés

França

Limós

La Piège au Razès (en francés) (caplòc del Canton d'Alanha abans 2015)

Intercom
200071926

CC del Limosenc

Cònsol

Jean Perrillou
(2020-2026)

Geografia umana

Populacion
Populacion totala
(2018)

329 ab.

Evolucion de la populacion

334 ab.

Densitat

24,53 ab./km²

Autras informacions

Còde postal

11240

Còde INSEE

11004

Alanha^[1]^[2] (Alaigne en francés) es una comuna lengadociana de Rasés situada dins lo departament d'Aude e la region d'Occitània, ancianament de Lengadòc-Rosselhon.

Geografia

Alanha èra nominativament caplòc d'un canton, mès la realitat de la foncion èra a Bèlvéser, a 3 km. A la fin del sègle XIX, Bèlvéser rejonhèt la populacion d'Alanha (ambe un territòri plan mendre), puèi entre la Primièra Guèrra Mondiala e las annadas 50, la populacion d'Alanha s'esfondrèt, signe d'una pèrda de las activitats economicas (comercialas mai que mai), puèi baissèt pus lentament dins la segonda mitat del sègle, mentre que la de Bèlvéser contunhava de créisser. Los comèrcis de Bèlvéser son ara incomparablament pus nombroses ^[3]^,^[4] e variats; los servicis son tanben mai desvolopats (una piscina per exemple) e l'administracion los acompanhèt : la gendarmariá es a Bèlvéser (dempuèi quora ?), non pas al caplòc oficial. Significativament, l'anciana comunautat de comunas de la Costièra de Rasés (10 comunas) que durèt de 2003 a la fin de 2013 aviá la residéncia a Bèlvéser. Dins lo paisatge, la plaça de l'abitat massat, sovent ancian, es importanta a Alanha (mai que mai la « circulada », vilatge redond) mentre que l'abitat dessarrat, generalament recent, es gaireben exclusiu a Bèlvéser (lo centre ancian es pichonèl); tot aquò es coërent ambe un desvolopament plan mai important de Bèlvéser dempuèi lo sègle XIX.

Perimètre del territòri

Comunas confrontantas de **Alanha**
	Bèlvéser
Bèlagarda de Rasés		Rotièr
Montaut	Vilalonga	Donasac Lopian

Toponimia

Las atestacions ancianas son : Ecclesia Sancti Petri de Alaniano. Gallia escriu Alamano en 1129; Apud Alanhan en 1257; Castrum de Alagnano en 1252; Alignanum = Alagnanum en 1262; Alanhanum in Redesio en 1278; Castrum de Alanhano en 1309; Alanha, Alenha en 1396; Alanhe en 1594; Allaignie, Alaignie en 1594; Prieuré de Sainct Pierre d’Alaigne en 1639; Alágno (prononciacion occitana) ^[5].
Segon Dauzat, Alanha ven del « nom etnic » Alanus, valent a dire Alan, ambe'l sufixe -anum; Dauzat sembla dire que lo nom Alanus es un nom de persona d'aquela etnia, puslèu qu'un grope d'Alans mèstres de la villa ^[6].

Istòria

Aquesta seccion es voida, pas pro detalhada o incompleta. Vòstra ajuda es benvenguda !

Administracion

Lista dels cònsols successius
Periòde		Identitat
2001	(2026)	Jean Perrillou
abans 1988	?	Noël Calvet
Totas las donadas non son pas encara conegudas.

Abans la refòrma cantonala de 2014, aplicada en 2015, la comuna èra del canton d'Alanha (caplòc); es ara del canton de La Piège au Razès (en francés), que se disiá de Bram abans lo 1èr de genièr 2016.