منصور قلاوون
منصور قلاوون مصر چ مملوکاں دا دوجا حکمران سی ، جہڑا رکن الدین بیبرس دے دو سال مگروں تخت تے بیٹھا ۔ اوہ وی بیبرس وانگوں ملک صالح ایوبی دا غلام سی ۔ اس دا تعلق دشت قپچاق نال سی ۔
قلاوون دے ویلے چ ایل خانی سلطنت دے حکمراناں اباقا خان تے ارغون نے یورپ دے عیسائیاں نوں مصر دے خلاف صلیبی جنگاں دا اک نواں سلسلہ شروع کرن تے بیت المقدس نوں فتح کرن دی ترغیب دتی ۔ اباقا خان نے عیسائیاں دے تعاون نال شام تے حملہ وی کیتا پر قلاوون نے حمص دے نیڑے 1280ء چ اباقا خان نوں شکست دے کے اس منصوبے نوں ناکام بنا دتا ۔
رکن الدین بیبرس وانگ قلاوون نے وی شام دی بھوئیں تے عیسائی نوآبادیاں دے خلاف مہم جاری رکھی تے لطاکیہ تے طرابلس نوں یورپی فوجاں توں کھو لئیا ۔ قلاوون دے مگروں اس دے پتر اشرف جلال نے عکہ ، صور ، صیدا ، حیفہ تے دوجے شہراں نوں وی فتح کر لئیا ۔ اینج شام دے ساحلاں توں یورپ دے عیسائیاں دا اقتدار ہمیشہ لئی ختم کر دا گئیا