Differenza tranter versiuns da "Bianca Mayer"
P Revocar la versiun 142057 da CommonsDelinker (discussiun): Picture has licence via OTRS |
P Bot: Migrating 1 interwiki links, now provided by Wikidata on d:Q14830390 |
||
| Lingia 42: | Lingia 42: | ||
<references /> |
<references /> |
||
[[de:Bianca Mayer]] |
|||
{{DEFAULTSORT:Mayer, Bianca}} |
{{DEFAULTSORT:Mayer, Bianca}} |
||
[[Categoria:Chantadurs]] |
[[Categoria:Chantadurs]] |
||
Versiun dals 12:59, 16. schan 2014
|
Questa pagina è scritta en vallader. |
Bianca Mayer (* 17. mai 1979 a Scuol) es üna moderatura e chantautura rumantscha. Sco chantautura lavur'la suot il pseudonim Bibi Vaplan.
Vita
Bianca Mayer es nada a Scuol dal 1979 e creschiva sü in üna famiglia musicala. Seis bap Reto Mayer d'eira musicant popular e dirigent.[1][2]
Bianca Mayer ha stübgià clavazin classic a la Scoula ota zürigaisa dals arts ed ha tut eir cuors da jazz dürant quel temp.[3]
Dal 2008 es ella tuornada in Engiadina, ha vivü fin il 2012 ad Ardez e lavurà pro la Scoula da musica Engiadina Bassa / Val Müstair.[2]
Daspö il 2013 lavura Bianca Mayer sco moderatura al Radio Rumantsch a Cuoira.[1]
Musica
Musica da film e teater
Daspö 2003 scriva Bianca Mayer cumposiziuns per teaters e films, desch progets pür dal 2004 fin il 2008. Ella ha assisti da cumpuoner il soundtrack dal film Vitus da Fredi Murer (2005), il soundtrack dad I was a Swiss Banker da Thomas Imbach (2007) sco eir quel da Happy New Year da Christoph Schaub (2008).[4][2]
Alba da la Clozza
Davo il studi e fin 2009 d'eira Bianca Mayer chantadura da rock aint illa gruppa Alba da la Clozza, provocativa, cun chavels cuorts e blondats, sunond la guitarra da jazz.[1]
Bibi Vaplan
Daspö il 2010 sviluppaiva Bianca Mayer ün stil da musica plü quiet e pensiv.[5] Ella cumanzaiva a publichar sia musica suot il pseudonim Bibi Vaplan, ün nom chi dess esser program (Bianca, va plan!). Sco Bibi Vaplan scriv'la ils texts e la musica, chanta e suna il clavazin o eir il cembalo.[1] L'album Sdruagliar dals 2012 es üna collavuraziun culla Kammerphilharmonie Grischun.[5][6]
Las chanzuns da Bianca Mayer sun adüna per vallader.[1] Sur dal motiv persunal da far musica disch la chantautura:
«La musica am güda da mütschir, d'incleger, sentir o da chattar darcheu il fuond suot ils peis cur ch'eu am perd aint in alch. Sch'eu füss cuntaintischma, nu stessa far musica, lura gessi a baiver ün caffe cun meis amis.»
Discografia
- na jada intuorn sco Alba da la Clozza, 2009.
- Ingio vasch? sco Bibi Vaplan, 2011.
- Eu vegn cun tai sco Bibi Vaplan, 2011.
- Sdruogliar sco Bibi Vaplan, 2012.
Premi
Dal 2009 ha Bianca Mayer survgni il premi da promoziun dal chantun Grischun.[4]
Colliaziuns
Indicaziuns da las funtanas
- ↑ 1,0 1,1 1,2 1,3 1,4 Schweizer Radio und Fernsehen, emissiun Kulturplatz dals 17. lügl 2013. Visita als 2. settember 2013.
- ↑ 2,0 2,1 2,2 Cuors da la vita, inedi, com. pers. als 3. settember 2013.
- ↑ Biografia sün mx3 (The Swiss Music Portal). Visita als 2. settember 2013.
- ↑ 4,0 4,1 Radiotelevisiun Svizra Rumantscha: emissiun da 2009. Visita als 2. settember 2013.
- ↑ 5,0 5,1 Artichel da la Posta Ladina als 15 november 2012. Visita als 2. settember 2013.
- ↑ Infuormaziun biografica pro Giuventüna Rumantscha. Visita als 2. settember 2013.