Tschechia
La Tschechia (uffizialmain Republica Tscheca; tschec Česká republika u Česko) è in stadi da l'Europa Centrala che cunfina cun la Germania (810 km) en il vest, la Pologna (762 km) en il nord, la Slovachia (252 km) en l'ost e l'Austria (466 km) en il sid.
Tradiziunalmain cumprenda la Tschechia las trais cuntradas storicas Boemia, Moravia e Silesia tscheca. La lingua uffiziala dal pajais è il tschec.
La Republica Tscheca è naschida il prim da schaner 1993 sco stadi successur da la Tschecoslovachia. L'onn 1999, otg onns suenter la schliaziun dal Patg da Varsovia, è il stadi daventà commember da la NATO ed il prim da matg 2004 è el entrà en l'Uniun europeica.
| |||||
