Бубукин, Валентин Борисы фырт

Валентин Бубукин
Валентин Бубукин
Иумæйаг информаци
Æнæхъæн ном	Валентин Борисович Бубукин
Райгуырдис	1933-æм азы 23 апрелы; Мæскуы, Советон Цæдис;
Амардис	2008-æм азы 30 октябры (75 азы); Мæскуы, Уæрæсе;
Æмбæстонад	Советон Цæдис;
Ас	180 см
Уæз	78 кг
Позици	размæбырсæг
Клубон карьерæ
1952	ВВС-д (Мæскуы)
Национ иугонд командæ
Тренеры карьерæ
1966—1968	Локомотив (Мæскуы)
1970—1972	Таврия
1972—1974	Карпаты (Львов)
1978	ЦСКА (Ханой)
	Викикъæбицы медиа

Валенти́н Бори́сович Бубу́кин (1933-æм азы 23 апрелы, Мæскуы — 2008-æм азы 30 октябры, Мæскуы) у советон футболист, Европæйы хъалацы чемпион (1960), Советон Цæдисы спорты сгуыхт мастер (1960), УСФСР-йы сгуыхт тренер (1990).

Цардафыст

Валентин Бубукин райгуырдис Мæскуыйы, шофыры бинонты^[4]. Йæ сабибонтæй уарзта футбол, баскетбол, хоккей æмæ æндæр спорты хуызтæ. 1947-æм азы бацыдис Мæскуыйы спорты скъола «Крылья Советов»-мæ æмæ дзы уыдис централон размæбырсæг. Уайтагъд йæхи равдыста арахстджынæй, результатмæ тырнагæй. Цалдæр къуырийы фæстæ хъазыдта фæсивæдон командæйы сконды.

1952-æм азы æрбацыдис Мæскуыйы Уæлдæфон тыхты клубмæ (ВВС Москва), хъазыдис йæ дублёрты сконды^[4]. 1953-æм азы та бацыдис «Локомотив»-мæ, клубы сæйраг тренер ма Борис Аркадьев куы уыдис, уæд. 1957-æм азы Бубукин бакуырдта уæлахизы гол мæскуыйаг «Спартак»-ы дуармæ. Æрбахуыдтой йæ иугонд командæмæ, кæцы командæимæ архайдта дунейы чемпионаты Швецийы (1958), фæлæ командæ куы фембылды, уыцы хъазты хайад нæ иста, бадтис бæндоныл æнæхъæн хъазты рæстæг. 1960-æм азы Европæйы хъалацы тыххæй та хъазыдис фæзы.

1961-æм азы йæ кæйдæр тренер Всеволод Бобров йæ бахуыдта ЦСКА-мæ, ацы клубы Бубукин ахъазыд 20 матчы, бакуырдта 3 голы. Чемпионат куы фæци, уæд раздæхтис «Локомотив»-мæ. Уыцы бонæй бакуырдта ма 21 голы ацы комæндæйы. Уыцы иу рæстæг ахуыр кодта тренеры дæсныйад.

Футболисты карьерæ куы фæци, уæд сæйраг тренерæй куыста «Локомотивы», стæй иннæ сахарты дæр — Симферополы, Львовы, суанг ма Вьетнамы сæйраг сахары. Ханойы куы куыста, уæд советон минæвæрады кусджыты тренер дæр уыд, йæ мысинæгты уый тыххæй куыд радзуры, афтæ^[5].

Амардис Мæскуыйы 2008-æм азы 30 октябры, 76 азы йыл куы цыдис, уæд.

Æнтыстытæ

Европæйы чемпион (1960).
Советон Цæдисы чемпионаты æвзист призёр (1959)
Советон Цæдисы хъалацы рамбулæг (1957).
Вьетнамы чемпион (1978, куыд тренер).

Йæ ном куыд мысынц

Сочийы микрорайон Дагомысы ис Валентин Бубукины номыл аллей.
2009-æм азæй дзы цæуы æрвылазон Валентин Бубукины мемориалон ерыс.
Йæ ном ис Кады аллейы «РЖД Арена»-йы стадионы цур.

Фиппаинæгтæ

↑ Valentin Bubukin // FBref.com (цалд.)
↑ Valentin Bubukin † // Transfermarkt (цалд.) — 2000.
↑ http://uk.reuters.com/article/worldFootballNews/idUKLU74480020081030
↑ ^4,0 ^4,1 Валентин Бубукин // Loko.News(æбæлв.)(недоступная ссылка). Датæ: 2020-æм азы 25 июны. Архив 2020-æм азы 27 июны.
↑ Мяч, пробитый им, и теперь летит над землей. Древо памяти Валентина Бубукина. 2017. ISBN 5040440154

[_9db5b27ef60a15c7-1] Valentin Bubukin // FBref.com (цалд.)

[_dbea10e9c5949eaa-2] Valentin Bubukin † // Transfermarkt (цалд.) — 2000.

[_cc08197b41054dfd-3] ttp://uk.reuters.com/article/worldFootballNews/idUKLU74480020081030

[loko-4] 4,0 ^4,1 Валентин Бубукин // Loko.News(æбæлв.)(недоступная ссылка). Датæ: 2020-æм азы 25 июны. Архив 2020-æм азы 27 июны.

[5] Мяч, пробитый им, и теперь летит над землей. Древо памяти Валентина Бубукина. 2017. ISBN 5040440154

[1]

[2]

[3]

[4]

[5]