Балта, Хакан

Хакан Балта
Долу ат	Хакан Кадир Балта
Төрүттүнген	1983 марттың 23(1983-03-23)[…] (41 хар) Берлин[d], ГДР[d]
Хамаатылалы	Турция Германия
Узуну	184 см
Кили	80 кг
Позиция	защитник, центральный защитник
Карьера
Клубка карьера*
2001—2003	→  Герта II	44 (4)
2003—2007	Манисаспор	116 (19)
2007—2018	Галатасарай	245 (10)
Чыынды команда**
2007—2016	Турция	50 (2)
* Профессионалдыг клуб дээш оюнарын болгаш голдарын чүгле националдыг чемпионттарның аңгы-аңгы лигалары дээш санаар. ** Националдыг чыынды-биле официалдыг матчтарга оюннары болгаш голдары.
Европа чемпионады Хүлер Австрия/Швейцария 2008

Хака́н Кади́р Балта́ (тур. Hakan Kadir Balta; 23 март 1983, Барыын Берлин) — турк футболчу, солагай талакы камгалакчы. Берлинниң «Герта» клувунуң кижизиткен ойнакчызы. Турцияның чыынды командазының составынга Европаның 2008 чылда чемпионадын уткан.

Намдары

Клубтар составында

Балта Кадир Хакан 1983 чылдың март 23-те Барыын Германияга төрүттүнген. Аныяк турар үезинде Берлинниң «Герта» клувунга 1992 чылдан тура 2001 чылга чедир 9 харлыында ойнап эгелээн.

Эки пас бээр болгаш ырадыр теп билир солагай талакы камгалакчы деп алдаржаан.

Бир дугаар Хаканның ойнап эгелээни профессионалдыг клуву Турцияда Манис деп хоорайның «Манисаспор» болуп турар, ооң составынга ол 2002—2007 чылдарда ойнап турган. Ойнап келген үезинде 128 маргылдаага 4 чыл ишитнде 22 катап гол киир тепкен.

2007 чылдың сентябрьда ол Стамбулдуң шыырак клуву, Турцияның эң алдарлыг клуву, «Галатасарай» дээш ойнап эгелээн. Аңаа келген дораан-на клубтуң үндезин составынга ойнап эгелээн. Бир дугаар чылын-на Турцияның чемпионадын клубтуң составынга удуп алган. Бир дугаар оюну 2007 чылдың сентябрь 16-да «Коньяспора» деп клубка удур болган, түңнел сан - 6:0, Хакан бир ойнакчыны солуп үнү келгеш ойнаан. «Галатасарай» дээш 245 маргылдаага 10 катап гол киир тепкен.

Турцияның чыынды командазында

Стамбулдуң ол клувунга ойнап тура, ол Турцияның чыынды командазынче чалалганы алган. Ол үеде Турция Европаның чемпионадынга киржир эрге дээш щилилге эртип турган. Босния-Герцогиня биле Норвегияның командаларынга удур шилилге маргылдааларынга эки киришкен. 2007 чылдың ноябрь 17-де ол бир дугаар Норвегияның чыынды командазынга удур үнүп келген. Аңаа ол баштайгы составта үнүп келгеш, оюн төнчүзүнге чедир ойнаан, олар ынчан 2:1 кылдыр тиилеп алганнар. Европаның чемпионадынга ол шупту беш оюнга киришкеш, чартык-финалче командазының кире бээринге дузалашкан. Ынчаар Турция хүлер шаңналга төлептиг болган.

Ниитизи-биле Турцияның чыынды командазының составында 2016 чылга чедир 50 оюнну ойнааш, ийи катап гол киир тепкен.

2018 чылдың чайынында ойнакчы карьеразын дооскан.

Чедиишкиннери

«Галатасарай»

• Турцияның чемпиону: 2007/08, 2011/12, 2012/13, 2014/15, 2017/18
• Турцияның Суперкубогунуң эдилекчизи: 2008, 2012, 2013, 2015
• Турцияның Кубогунуң эдилекчизи: 2013/14

Клуб	Сезон	Лига		Кубок		Супер Кубок		Европа		Түңнели
		Maç	Gol	Maç	Gol	Maç	Gol	Maç	Gol	Maç	Gol
Манисаспор	2003-04	26	5	3	0	-		-		29	5
	2004-05	27	5	0	0	-		-		27	5
	2005-06	31	3	1	0	-		-		32	3
	2006-07	28	4	7	2	-		-		35	6
	2007-08	4	2	0	0	-		-		4	2
	Түңнели	116	19	11	2	0	0	0	0	127	21
Галатасарай	2007-08	27	3	4	0	1	0	1	0	33	3
	2008-09	28	1	6	0	-		8	0	42	1
	2009-10	25	1	3	0	-		8	1	36	2
	2010-11	20	1	4	0	-		4	0	28	1
	2011-12	37	1	1	0	0	0	-		38	1
	2012-13	6	1	0	0	1	0	1	0	8	1
	2013-14	24	0	9	0	1	0	3	0	37	0
	2014-15	17	1	6	0	1	0	2	1	26	2
	2015-16	27	1	8	0	1	0	8	0	44	1
	2016-17	4	0	0	0	1	1	0	0	5	1
	Түңнели	215	10	41	0	6	1	35	2	290	13
Ниити түңнелдер		331	29	52	2	6	1	35	2	417	34

Турцияның чыынды командазы

• Евро-2008 хүлер шаңналының эдилекчизи