Австро-угорська монархія у слові и образі
Австро-угорська монархія у слові и образі (нім. Die österreichisch-ungarische Monarchie in Wort und Bild, мад. Az Osztrák-Magyar Monarchia Írásban és Képben) — многотомна краєписна енциклопедія Австро-Угорщины, выдана у 1886–1902 роках. Проєкт почав кронпрінц Рудолф у 1883 році.
Енциклопедія подає історичный, ґеоґрафічный и етноґрафічный опис земель и народув Австро-Угорщины, ушореный за реґіоналным принципом. Была выдана на двох языках: по-німецькы (у 24 томах) и по-мадярськы (у 21 томі). Редактором німецького выданя быв писатель, професор історії и ґеоґрафії Йозеф фон Вайлен, а мадярського — писатель Мор Йокаї. До енциклопедії увойшли 587 статей уд 432 авторув, помежи котрых и сам кронпрінц Рудолф.
Інформацію за Карпатську Русь мож найти у томах, приділеных Галичині (1898) и Вышнюй Угорщині (1900). Ид роботі над сими двома томами приклали ся авторы многых авторитетных публікацій за карпатськых русинув. Наприклад, окремі статі написали Иван Верхратськый («Русинські діалекты»), Антоній Годинка («Русины»), Тивадар Легоцькый («Бережанська вармедь») авадь Мигаль Фінціцькый («Ужанська вармедь»).
Вонкашні лінкы
[едітовати | едітовати жрідло]- Лінкы на вшиткі томы енциклопедії по німецькы (Internet Archive)
- Цілый мадярськый текст енциклопедії (Arcanum)
Тоты даны суть часточно або цалком основаны на перекладах статей Kronprinzenwerk на нїмецькій Вікіпедії a Az Osztrák–Magyar Monarchia Írásban és Képben на мадярьскій Вікіпедії.