B

Artìculu in LSC

Sa B (manna) o b (minore), si leghet bi, est sa segunda lìtera de s'alfabetu sardu; est una cunsonante chi in sardu si podet iscrìere sia simple sia dòpia (b/bb).

Sonos e mudamentos

Sa B si est in su cumintzu de sa paràula, tendet a èssere una cunsonante mòbile chi in sa pronùntzia podet rùere (es. bidda > idda). In prus sa B est sugeta a mudare, a segunda de sa zona, in P (es. abe <> ape - bìdere lenitzione) o in V (es. bida <> vida - bìdere betatzismu).

In su sardu podet àere duos sonos diferentes: in su cumintzu de sa paràula at semper unu sonu bilabiale oclusivu [b], mentras in intro de su faeddu podet àere unu sonu oclusivu [b] o fricativu [β] (custu solu in positzione intervocàlica).