San Filici di Nicusia
Filici di Nicusia (Nicusia (EN), 5 di nuvèmmiru 1715 - Nicusia, 31 di maiu 1787) è un Santu Cappuccinu, viniratu da Cresia Cattolica.
Biografìa
Lu patri si chiamava Fulippu Amurusu e la matri Carmela Pirru. Lu nutrìcu lu stissu jornu fu vattiatu e chiamatu Fulippu Giacumu. Quannu fu picciottu fu mannatu a nsignarisi l’arti du scarparu. Si scrissi, comu sò patri, â Cunfraternita di Cappuccinelli na Cresia di Miraculi. Datu ca era analfabeta dumannò di trasiri comu frati laicu nall’Ordini di Cappuccini. Pi ott’anni ci dissiru no. Fici l’annu di nuviziatu a Mistretta e si vosi chiamari Fra Filici comu lu primu Santu Cappuccinu. Addivintò un frati di cerca, vali a diri cuggheva â limosina e cocchi cosa pû Cummentu e ringraziava sempri tutti dicennu: “Sia pi l’amuri di Diu“, arrivannu sinu a Mistretta, Gangi, Spirlinga, Capizzi e Gagghianu. Fu divotu du Crucifissu e dâ Santa Eucaristia e vinirava cu amuri la Madonna. Sempri prontu pî malati na nfirmiria dû Cummentu, mentri travgghiava nò jardinu ci vinni na frevi forti. Muriu lu 31 di Maju 1787.
Canunizzazzioni
Fu biatificatu di Papa Liuni XIII lu 12 di frivaru 1888 e fattu Santu du Papa Binidittu XVI lu 23 di uttùviru 2005. E’ compatronu di Nicusia. A festa è cilibrata lu 2 di giugnu.
Riliquii
Lu Corpu è sutta l’artari didicatu ô Santu na Cresia di S. Maria di l’Ancili di Nicusia. Autri Riliqui sunnu na Catidrali.