E.V.I.S.
L'E.V.I.S. (Esercito Volontario per l'Indipendenza della Sicilia) era n'asèrcitu, funnatu di Antoniu Canepa, ca duranti lu 1945 luttau pi la ndipinnenza dâ Sicilia.
La lutta nnipinnintista
[cancia | cancia la surgenti]L'EVIS nascìu ntô 1944 comu forza di risistenza armata, ma videmma comu primu nùcliu di chiddu ca avissi duvutu èssiri l'asèrcitu dâ Ripùbblica Siciliana, an rispunnuta ê ncissanti mpignusìi ca vinìanu fatti dê forzi di l'òrdini taliani contra li sedi e li spunenti dû Muvimentu pâ Nnipinnenza dâ Sicilia.
Iddu avìa comu ubiettivu di nu latu lu sabbutaggiu dû Cuvernu talianu cu azziuna di cuntrastu, di l'àutru ammuttari pô prucessu nnipinnintista sicilianu cu na suluzziuni ripùbblicana mmeci di una munàrchica.
Ntê primi tempi era nu gruppu furmatu di na cinquantina di carusi, avìa n'uniformi e upirava ntâ clannistinitati. Lu mudellu usatu era chiddu dê partiggiani juguslavi.
Cu l'assassiniu di Antoniu Canepa nzemmula a' àutri dui militanti nta nu scontru a focu chî carrabbineri, ca ebbi locu ntâ cuntrada Murazzu Ruttu ammeri Rannazzu (CT), lu 17 giugnu dô 1945 l'EVIS pari cciui strugghiutu.
Duoppu di certi misi dâ morti di Canepa, ntî l'EVIS si juncierru militanti dô Muvimentu Nnipinnintista Sicilianu e cci fu na sbota auturitaria. Nascìu accussini nta l'uttùviru dû 1945 la Giuvintù Rivuluzziunaria pâ Nnipinnenza dâ Sicilia cu Cuncettu Gallo comu capu (suprannomu Sicunnu Turri o Turri II) cu na forti nfluenza dê siparatisti catanisi, comu Attiliu Castrugiuvanni e Antrea Finucchiaru Aprili, junciuti ê nòbili, comu lu Baroni Lucia Tasca d'Almerita, lu Baruni Stefano La Motta di Monserrato e lu Prìncipi Alliata. Ncapu dicisiuna dê rapprisintanti dâ destra siparatista palermitana, cc'èni l'allianza cû Sarvaturi Giulianu, ca n'addiventa lu culunneddu. Cancia accussini la lutta: si mèttunu an attu attintati contra a li carrabbineri e l'asèrcitu talianu anti, e contra ê partiti di manca duoppu.
Ntâ primavera dô 1946, cci fu l'accordu cû Statu Talianu, ca metti la palora "accapu" â guerrigghia siparatista. Veni cunciruta l'autunumia spiciali â Sicilia e strugghiutu l'asèrcitu siparatista. Giulianu, mmeci nun pusau l'armi e cuntinuau la lutta câ sò banda .
Bibbiugrafia
[cancia | cancia la surgenti]- CANEPA A., La Sicilia ai siciliani!, Catania 1944 (Pubblucatu cô nomu di Mariu Turri).
Vuci currilati
[cancia | cancia la surgenti]
- Vespri siciliani
- Rivuluzzioni ndipinnintista siciliana dû 1848
- Risurgimentu
- Sbarcu di Garibbardi
- Mafia
- La rivorta dû 7 e menzu di Palermu
- Fasci siciliani
- Secunna guerra munniali (Opirazzioni Husky)
- Muvimentu Nnipinnintista Sicilianu
- Esèrcitu Vuluntariu ppâ nnipinnenza dâ Sicilia
- Turi Giulianu
- Purtedda dâ Ginestra
- Statutu d'autonumìa sicilianu