Nedstrand er ein tettstad i Tysvær kommune i Rogaland. Tettstaden er ifølgje SSBs definisjon 0,4 km², og har 234 innbyggjarar (2020).
Nedstrand ligg på vestsida av Vindafjordens munning i Boknafjorden.
Nedstrand har fergesamband med Jelsa og Hebnes i Suldal, øya Ombo og dei større øyane i Finnøy. Det er òg snøggbåt til Stavanger og Sauda.
Nedstrand (Stranda) var tollstad for Ryfylke på 1600-tallet med mellom anna stor tømmereksport, og var i åra 1837–1965 administrasjonssenter i tidlegare Nedstrand kommune.
Nedstrand kyrkje ligg i Hindaråvåg, rundt tre km vest for tettstaden.