Groningerlound

Provinz Groningerlound


Flaage fon Groningerlound	Woapen fon Groningerlound

Haudstääd

Groningen

Beapdraagde fon ju Köönigin

René Paas (CDA)

Religion (2015)

Evangeelsk 25%
Katoolsk 5%

Flakte
- Lân
- Woater

2.955 km² (7e)
2.316 km²
639 km²

Ienwoonere
- Totaal
- Ienwoonertichte

9e
596.075 (1-1-2023)
257 Ienw./km²

Geografiske Koördinoaten

53°13' NB 6°34' AL

Nationoalhymne

Grönnens laid

Websiede

www.provinciegroningen.nl

ne Koarte fon ju Provinz Groningen un sien Meenten

Groningerlound / Groningen (uk Gräinen) (Niederloundsk: Groningen, Wääst-Fräisk: Grinslân, Groningsk Plat: Grönnen) is ne Provinz in dät Noudaaste fon do Niederlounde. Dät Gebiet fon ju Provinz is 2 955 km² un deer woonje 596 000 Moanskene (2023). Ju Haudstääd hat uk Groningen un is ju grootste Stääd fon dät Noudaaste fon do Niederlounde. Groningen wäd begränsed fon:

int Noude: dät Wääd (Watt) un dät Oamse-Dullert-Ästuarium
int Aaste: Aastfräislound un dät Oamselound
int Suude: ju Provinz Drente
int Wääst: ju Provinz Wäästfräislound

Sproaken un Dialekte

In Groningen wäd Groningsk fon 350.000 Ljuude boald. Dat Groningske is ne Friso-Saksiske Sproake, ju der uut dät Aastfräiske un dät Drentske äntsteen is. Uk dät Aastfräisk Läichsäksiske is ap ju Wiese äntsteen. Dät Groningske un dät Aastfräisk Läichsäksiske wäide mongs as eene Sproake ounkieked, dät Groningsk-Aastfräiske.

Ju Sproake is foar n Deel fon dän Woudskät un ju Uutsproake ferwant mäd dät Seelterske; sjuch do Biespiele. Ju Skrieuwwiese fon dät Aastfräiske is uurs as ju Groningske, oawers ju Uutsproake is jusälge.

Seeltersk	litje	sunt	maasttieds	Fräisk	Läichsaksen	tou
Groningsk	lutje	sunt	maisttieds	Frais	Leegsaksen	tou
Aastfräisk	lüttje	sünt	meesttieds	Freesk	Nedersaksen	to
Munsterloundsk	klein	siet	meestens	Frees	Neddersassen	to

De Grinzer Pein un Kornhorn in ju Meente Grootegast un do Täärpe Marum un De Wülp in ju Meente Marum, sünt do insige Täärpe in ju Provinz Groningen, wier noch n fräisken Dialekt boald wäd.

Meenten (10)

Meente	Ienwoonere (2023)	Uurfläche (lound, km²)	Grootste Täärpe un Stääde
Eemsdelta	45.000	268	Delfzijl, Appingedam
Groningen	238.000	186	Groningen, Haren, Hoogkerk
Het Hogeland	48.000	477	Bedum, Winsum, Uithuizen
Midden-Groningen	62.000	278	Hoogezand, Sappemeer
Oldambt	39.000	227	Winschoten, Scheemda, Finsterwolde, Beerta
Pekela	12.000	49	Oude Pekela, Nieuwe Pekela
Stadskanaal	32.000	118	Stadskanaal, Musselkanaal, Onstwedde
Veendam	28.000	76	Veendam, Wildervank
Westerkwartier	65.000	363	Leek, Zuidhorn, Marum
Westerwolde	26.000	276	Ter Apel, Vlagtwedde

Sjuch uk

Uumelounde

Ferwiese ätter buuten

Meenten in ju Provinz: Groningen (do Niederlounde)
Eemsdelta \| Groningen \| Het Hogeland \| Midden-Groningen \| Oldambt \| Pekela \| Stadskanaal \| Veendam \| Westerkwartier \| Westerwolde \|

Provinzen fon do Niederlounde
Drente \| Flevolound \| Fryslân \| Gelderlound \| Groningerlound \| Limbuurich \| Noudbrabant \| Noudhollound \| Seelound \| Suudhollound \| Utrecht \| Uuriesel