Апошняе абнаўленне: 3 сакавіка 2021 года

Tenor уключае ў сябе мабільную праграму Tenor, вэб-сайт Tenor па адрасе http://tenor.com, пашырэнні Tenor і Tenor API. Інтэрфейс Tenor API можна інтэграваць са староннімі прыладамі і сэрвісамі, але ўсе звязаныя з ім сэрвісы забяспечваюцца кампаніяй Google.

Каб карыстацца сэрвісам Tenor, вы павінны прыняць (1) Умовы выкарыстання Google і (2) гэтыя Дадатковыя ўмовы выкарыстання Tenor ("Дадатковыя ўмовы Tenor").

Уважліва прачытайце абодва гэтыя дакументы (далей у тэксце ў дачыненні да іх выкарыстоўваецца тэрмін "Умовы"). З гэтых дакументаў вы даведаецеся, чаго вы можаце чакаць ад нас, выкарыстоўваючы нашы сэрвісы, і чаго мы чакаем ад вас.

Калі гэтыя Дадатковыя ўмовы Tenor супярэчаць Умовам выкарыстання Google, то для Tenor прыярытэтнымі будуць з’яўляцца гэтыя Дадатковыя ўмовы.

Нягледзячы на тое, што Палітыка прыватнасці не з’яўляецца часткай гэтых Умоў, мы рэкамендуем азнаёміцца з ёй, каб даведацца, як вы можаце кіраваць сваімі данымі, змяняць, экспартаваць і выдаляць іх.

1. Ваша змесціва.

Tenor дазваляе запампоўваць, захоўваць, перасылаць, атрымліваць і абагульваць змесціва. Ваша змесціва выкарыстоўваецца кампаніяй Google па ліцэнзіі, агаворанай ва Умовах выкарыстання Google, — таму змесціва, якое вы запампоўваеце ў сэрвіс Tenor, можа паказвацца карыстальнікам і абагульвацца з імі пры неабходнасці. Гэтыя карыстальнікі (у тым ліку тыя, якія атрымліваюць доступ праз Tenor API) могуць праглядаць, абагульваць або змяняць гэта змесціва.

2. Забароненае змесціва.

2.1. Забараняецца выкарыстоўваць сэрвіс Tenor у камерцыйных мэтах або ў інтарэсах трэціх бакоў.

2.2. Як гэта ўказана ва Умовах выкарыстання Google, мы імкнёмся забяспечваць ветлівае асяроддзе для ўсіх. Карыстаючыся сэрвісам Tenor, вы павінны выконваць нашы Правілы для карыстальнікаў і асноўныя правілы паводзін, прыведзеныя ва Умовах выкарыстання Google. У прыватнасці, пры выкарыстанні сэрвісу Tenor забараняецца:

а) запампоўваць, захоўваць, перасылаць або абагульваць змесціва, якое:

i) парушае дзеючае заканадаўства альбо правы іншых людзей або заахвочвае да такіх парушэнняў, у тым ліку змесціва, якое прысвойвае або парушае правы іншых асоб на інтэлектуальную ўласнасць, асабістую ідэнтычнасць або на прыватнасць;

ii) змяшчае асабістую ці кантактную інфармацыю іншай асобы без атрымання ад яе папярэдняга дазволу;

iii) рэкламуе незаконныя ці шкодныя дзеянні або рэчывы;

iv) з’яўляецца махлярскім або падманным;

v) з’яўляецца непраўдзівым або паклёпніцкім;

vi) з’яўляецца непрыстойным або парнаграфічным;

vii) папулярызуе або ўтрымлівае праявы дыскрымінацыі, нецярпімасці, расізму, нянавісці, праследавання або нанясення шкоды ў дачыненні да любой асобы або групы;

viii) змяшчае ці прапагандуе гвалт альбо пагрозы, скіраваныя супраць пэўнай асобы, групы ці арганізацыі; а таксама

б) адпраўляць без дазволу ці ўзгаднення рэкламу, рэкламныя матэрыялы або паведамленні, у тым ліку электронныя лісты, паштовыя паведамленні, спам, лісты, якія рассылаюцца па ланцужку, або іншыя просьбы.

2.3. Мы можам выдаліць змесціва, якое палічым недапушчальным, незаконным або несумяшчальным, або абмежаваць яго паказ. Для праверкі змесціва, згенерыраванага нашымі сэрвісамі або запампаванага ў іх, выкарыстоўваюцца розныя сістэмы. Яны дапамагаюць нам выяўляць змесціва, якое парушае законы ці нашы правілы (напрыклад, гэтыя ўмовы і Умовы выкарыстання Google). Але мы разумеем, што кожны можа памыліцца. Калі вы лічыце, што ваша змесціва не парушае ўмовы ці было выдалена памылкова, вы можаце падаць апеляцыю.

Мы можам абмежаваць доступ да нашага сэрвісу ці заблакіраваць або закрыць ваш уліковы запіс у наступных выпадках:

значныя ці неаднаразовыя парушэнні гэтых правіл;
калі гэта неабходна для выканання юрыдычных патрабаванняў або распараджэння суда;
калі ў нас ёсць падставы лічыць, што вашы дзеянні могуць нанесці шкоду карыстальніку, трэцяму боку ці Tenor або прывесці іх да адказнасці – напрыклад, праз узлом, фішынг, праследаванне, распаўсюджванне спама, падман іншых людзей або скрэйпінг змесціва, якое вам не належыць, або праз адпраўку, захоўванне, абагульванне ці рассыланне Забароненага змесціва.

Каб атрымаць больш інфармацыі пра прычыны адключэння ўліковых запісаў і наступствы такога адключэння, азнаёмцеся з гэтым артыкулам Даведачнага цэнтра. Калі вы лічыце, што ваш Уліковы запіс Tenor прыпынены або закрыты памылкова, вы можаце падаць апеляцыю.

Obtuse Trans Meme

Абагуліць URL-адрас

Убудаваць

Падрабязныя звесткі

Звязаныя файлы GIF