Abduşukuri Abdusattor

Abduşukuri Abdusattor
Abduşukur Abdusattorov
Ta'rixi tavallud	28 aprel 1954(1954-04-28)
Zodgoh	Konibodom, ÇŞS Toçikiston, IÇŞS
Ta'rixi darguzaşt	22 mart 2021(2021-03-22) (66 sol)
Mahalli darguzaşt	şahri Duşanbe, Toçikiston
Kişvar	Toçikiston
Fazoi ilmī	filologija
Çojhoi kor	Markazi metodiji çumhurijaviji eçodijoti xalq va korhoi madaniju ma'rifatī, Donişgohi milliji Toçikiston
Daraçai ilmī:	doktori ilmhoi filologija
Unvonhoi ilmī	professor
Alma-mater	Donişgohi davlatiji Toçikiston

Abduşukuri Abdusattor (taxallus Behrūz; 28 apreli 1954, Konibodom, ÇŞS Toçikiston, IÇŞS — 22 marti 2021, Duşanbe, Toçikiston) — adabijotşinos, munaqqid va şoiri toçik, doktori ilmhoi filologija (2003), professor, uzvi Ittifoqi navisandagoni Toçikiston (2000).

Zindaginoma

Abduşukur Abdusattor (Abdusattorov) 28 apreli soli 1954 dar şahri Konibodom ba çahon omadaast. Soli 1976 baxşi arabiji fakultai şarqşinosiji Donişgohi davlatiji Toçikistonro xatm namudaast. Ba'di xatmi donişgoh dar davomi solhoi 1976—1994, ba hajsi omūzgori zabon va adabijoti toçik dar maktabhoi mijonai Hisoru Konibodom, muharrir va mudiri şu'bai Markazi metodiji çumhurijaviji eçodijoti xalq va korhoi madaniju ma'rifatī, kotibi mas'uli maçallai «Adab» adoi vazifa namudaast. Az soli 1994 to soli 2021 dar kafedrai ta'rixi adabijoti toçiki Donişgohi milliji Toçikiston fa'olijat kardaast.

Eçodijot

Az solhoi haştodumi qarni bistum maqolavu guzorişoti ū dar mas'alahoi muxtalifi adabijoti guzaşta va muosiri toçik muntazam cop şudaast. Behtarin naviştahojaş dar kitobhoi «Ru'ijati Qur'on dar şe'r» (1998), «Çiloi sitoraho» (2000), «Arabijat va adabijoti ahdi Ƣaznavijon» (2002), «Ravobiti adabiji Arabu Açam dar asri XI» (2004), «Asrori şe'ri marƣub» (2004) va ƣ. faroham omadaand. Ta'dode az maqolahojaş dar Eronu Afƣoniston ba tab' rasidaand. Dar tahlil va naşri osori şoironi ahdi Somonijon, muntaxaboti Sūzaniji Samarqandī, muxtasari osori ilmiji Zabehullohi Safo, barguzidai ruboijoti şoironi forsu toçik sahmi nazarras guzoştaast.

Fa'olijati ilmī

Muallifi zijoda az 300 maqola va risolahoi ilmī-ommavī oid ba mas'alahoi adabijoti guzaşta va muosiri toçik: «Fazoili Qur'on» (1992), «Talmeh dar şe'ri ahdi Somonijon» (1998), «Şoironi ahdi Somonijon» (1999; hamrohi X. Şarifov), «Qissai podşohoni Somonī» (1999; hamrohi X. Şarifov). Dar tahija va ba cop omoda soxtani du çildi avvali kitobi «Ta'rixi adabijot dar Eron»-i Zabehullohi Safo iştirok kardaast (2001, 2006). Incunin «Ta'rixi adabijoti arab» (2009) va «Muntaxabi devon»-i Sūzaniji Samarqandiro ba cop rasonidaast (2009). Ū bo taxall. Behrūz şe'r ham eçod mekunad, ki dar rūznomavu maçallaho va maçmūahoi «Navsafar» (1985), «Kokuli bom» (1985), «Xordas­ta» (1987), «Sarcaşmai badbaxtiho» (1987), «Neşxand» (1990), «Ej naş'a baloi çon şudastī» (2002) va ƣ. ba tab' rasidaand.

Darguzaşt

Abduşukuri Abdusattor 22 marti 2021 dar sinni 67-solagī bar asari saktai dil darguzaşt.

Adabijot

• Abduşukuri Abdusattor / M. Narziqul // Viclas — Gūjanda. — D. : SIEMT, 2015. — (Ensiklopedijai Milliji Toçik : [taxm. 25 ç.] / sarmuharrir N. Amirşohī ; 2011—2023, ç. 4). — ISBN 978-99947-33-77-4.