Заһид Мәхмүди
| Заһид Мәхмүди | |
|---|---|
| Туган телдә исем | Заһид Борис улы Мәхмүдов |
| Туган | 4 июль 1960 Кукмара |
| Үлгән | 18 гыйнвар 2022 (61 яшь) РФ, ТР, Казан |
| Яшәгән урын | Бондаренко урамы[1] |
| Милләт | татар |
| Ватандашлыгы |  СССР→ РФ |
| Һөнәре | язучы, журналист, нашир |
| Җефет | Рәшидә |
| Балалар | улы Фәнис Камал, кызы Зөһрә |
| Ата-ана |
|
| Бүләк һәм премияләре | Татарстанның атказанган сәнгать эшлеклесе[2] |
Заһид Мәхмүди, Заһид Борис улы Мәхмүдов (1960 елның 4 июле, СССР, РСФСР, ТАССР, Кукмара ― 2022 елның 18 гыйнвары, РФ, ТР, Казан) — татар язучысы, журналист, нашир. 1996 елдан Татарстан Язучылар берлеге әгъзасы [3].
Тәрҗемәи хәл
[үзгәртү | вики-текстны үзгәртү]Заһид Мәхмүди 1960 елның 4 июлендә Кукмара бистәсендә туган.
1982 елда Казан мәдәният институтын тәмамлаган. 1982-1984 елларда армия сафларында хезмәт иткән. Хәрби хезмәттән кайткач, район газетасы редакциясендә эшли башлаган. Соңрак Татарстан радиосында балалар тапшырулары мөхәррире, «Шәһри Казан», «Авыл» газеталары, «Татарстан» журналы мөхәррире булып эшли. Татарстан Язучылар берлеге каршында чыгып килә торган «Әдәби җомга» газетасында бүлек мөхәррире була.
3. Мәхмүди әдәби иҗатта каләмен район газетасында эшләгән чакта үк сыный башлый. Аның беренче хикәяләре, шигырьләре, поэмалары узган гасырның 80 нче елларында ук дөнья күрә. Озак эзләнгәннән соң, ул, ниһаять, әдәби иҗатта үз юлын таба — соңгы берничә елда халык арасында үзенчәлекле повесть-хикәяләре белән билгеле була. 3. Мәхмүди әсәрләрендә укучыны җәлеп иткән төп үзенчәлек шуннан гыйбарәт — яшь язучы маҗара белән сатира-юморның органик берлеген тудыра алган. Аннары ул чит-ят дөньяларга, планеталарга караганда бүгенге җир тормышы, татар тормышы хакында язуны мәгъкуль күрә. Шуның белән ул Фатих Әмирханның «Фәтхулла хәзрәт» әсәреннән килүче сатирик маҗара традицияләрен дәвам итә.
1991-2003 елларда язучының Татарстан китап нәшриятында ”Профессор Мияугөл”, ”Тәмуг чәчәге”, ”Ак болыт”, ”Әче балан” исемле китаплары дөнья күрде. 2003 елның июлендә З.Мәхмүдинең ”Әче балан” дигән романы буенча эшләнгән ”Бүре” радиоспектакле республикабызның каләм ияләре арасында үткәрелгән ”Бумеранг” бәйгесендә иң яхшылардан саналып, махсус дипломга лаек булды.
З.Мәхмүди – 1996 елдан Татарстан Язучылар берлеге әгъзасы.
2022 елның 18 гыйнварында кинәт вафат булган[4]. Туган ягында ― Кукмара районы Манзарас авылында җирләнгән [5].
Искәрмәләр
[үзгәртү | вики-текстны үзгәртү]- ↑ https://zhituli.rosfirm.info/m/kazan?g-recaptcha-response=03AGdBq24qQIsUafHU32pl0Hr1hcjqTuDGTYUWGTQK4uniTe9hocmwDGcBCpB0fu_rFODOKDFS1kgFQzhk3Zu28u5M3vXDQ_gj4stYLHX_PoVR6wmp0v0b5t8JQCzytVt-mKD6va-2yxKPQaTsi1587sojEEFIwEb_MdnvP9Lm7bLfZ-Vm1-rMRBOaFVR39ZBEuEM-LoM_9GMsxlke0mVH0_eB8Pbh-BGBcgLvGzf7ZU4P1-GgwlIzbkpnGZ-JjP-DAWH6fx8nJn-Oko7N4YpFxmI2p3FL6nCh21bjD6If70G0tpGLWd8xqJZ5p_bpLkFOeO6UoXVYVN_MQwZmv7cbK_j8I7ebpSEWjS3v9m_DACvmVQJDxJ7YsQgxPspo-MVuIGIEYsWCz8tQXzzVlpg7-WFP8Dt4Q0xH7z_g3rmFeeXF1xKe9f0JCbc2pVZdbKkQxqdGm_yjOJZS_cBipFKheF_xCp8MfO6bUw&action=validate_captcha&fio=%EC%E0%F5%EC%F3%F2%EE%E2+%E7%E0&adress=&searchButton=+%CD%E0%E9%F2%E8+
- ↑ Рузилә Мөхәммәтова. Фәнис Камал: «Вакыты җиткәч, бәлки, республика үзенең тугрылыклы улын искә алыр». Интертат, 17.11.2022
- ↑ Язучы Заһид Мәхмүди вафат. Татар-информ, 18.01.2022
- ↑ Күренекле татар язучысы Заһид Мәхмүди вафат. Татарстан Язучылар берлеге сайты
- ↑ Рузилә Мөхәммәтова. Заһид Мәхмүдине озату: «Аның күңеле җилбәгәй җибәрелгән иде. Чын язучы шундый була». Татар-информ, 20.01.2022
Чыганаклар
[үзгәртү | вики-текстны үзгәртү]- Журналист һәм язучы Заһид Мәхмүди Кукмарага дөя алып кайткан – җирле ММЧ 2016 елның 4 март көнендә архивланган.
- Татар календаре, 2010. «Мәгариф нәшрияты», Казан.
Сылтамалар
[үзгәртү | вики-текстны үзгәртү]Моны да карагыз
[үзгәртү | вики-текстны үзгәртү]
 |
Бу мәкаләнең сыйфатын арттырыр өчен түбәндәгеләрне эшләргә кирәк?:
|