Í námskeiðinu er fjallað um lagalegan grundvöll og meginreglur alþjóðlegs umhverfisréttar og umhverfisréttar Evrópusambandsins. Námskeiðið er tvískipt. Í fyrri hluta þess, sem byggir á gagnvirkum fyrirlestrum með þátttöku nemenda, verður megináherslan lögð á að skýra og fjalla um lagalegan grundvöll umhverfisréttar hvors réttarsviðs, meginreglur þeirra, þ.m.t. sjálfbæra þróun, sjálfbærni og heimsmarkmið SÞ, áhrif alþjóðlegs umhverfisréttar á umhverfisrétt Evrópusambandsins, þróun lagalegra lausna og áhrif réttarframkvæmdar. Jafnframt verða helstu efnissvið réttarsviðanna kynnt. Í seinni hluta námskeiðsins, verða tiltekin efnissvið alþjóðlegs umhverfisréttar og umhverfisréttar Evrópusambandsins krufin til mergjar á gagnrýninn hátt sem krefst virkrar þátttöku og frumkvæði nemenda. Meðal þessara efnissviða er vernd líffræðilegar fjölbreytni, varnir gegn mengun, þátttökuréttindi og aðgangur að dómstólum, mannréttindi og umhverfið, og málefni norðurslóða. (Sjá einnig LÖG187.F, Þverþjóðlegur loftslagsréttur).

Þekking:

Nemandi sem hefur lokið námskeiðinu hefur tileinkað sér helstu meginreglur og viðfangsefni alþjóðlegs umhverfisréttar og umhverfisréttar Evrópusambandsins ásamt réttarframkvæmd og hefur jafnframt öðlast djúpa þekkingu á tilteknum viðfangsefnum réttarsviðanna.

Leikni:

Nemandi sem hefur lokið námskeiðinu getur aflað, greint og metið á gagnrýninn hátt viðeigandi réttarheimildir á sviði alþjóðlegs umhverfisréttar og umhverfisréttar Evrópusambandsins og getur sett fram og rökstutt sjálfstæðar lögfræðilegar niðurstöður á grundvelli viðurkenndra rannsóknaraðferða.

Hæfni:

Nemandi sem hefur lokið námskeiðinu hefur þróað með sér nauðsynlega hæfni til þess að geta tekist á við frekara nám í alþjóðlegum umhverfisrétti og umhverfisrétti Evrópusambandsins og getur í ræðu og riti greint frá fræðilegum viðfangsefnum.

Bókalisti er óstaðfestur