بشیر احمد بلور

بشیر احمد بلور
معلومات شخصیت
تاریخ پیدائش	1 اگست 1943ء
تاریخ وفات	22 دسمبر 2012ء (69 سال)
شہریت	پاکستان برطانوی ہند
مذہب	اسلام
جماعت	عوامی نیشنل پارٹی
اولاد	عثمان بلور، ہارون بلور
بہن/بھائی	الیاس بلور
عملی زندگی
پیشہ	سیاست دان
مادری زبان	اردو
پیشہ ورانہ زبان	اردو

بشیر احمد بلور یکم اگست 1943ءکو قیام پاکستان سے چار سال قبل پشاور میں پشاور کے معروف تاجر، سماجی و سیاسی خاندان میں بلور دین کے ہاں پیدا ہوئے -عوامی نیشنل پارٹی کے پارلیمانی لیڈر اور صوبے کے سنئیر وزیر تھے

زندگی

قانون میں گریجویٹ کیا اور پشاور ہائیکورٹ بار کے رکن بھی رہے - 1970ء میں اے این پی جو اس وقت این اے پی کے نام سے زیر قائم تھی اس میں شمولیت اختیار کی- 2008ءکے عام انتخابات میں پانچویں مرتبہ صوبائی اسمبلی کے رکن منتخب ہوئے، دو مرتبہ اے این پی کے صوبائی صدر بھی رہے - 1970ءمیں انھوں نے اے این پی سے اپنے سیاسی زندگی کا آغاز کیا اور سیاست میں اہم مقام حاصل کیا۔ 2008ءکے عام انتخابات میں وہ صوبائی حلقہ پی ایف تھری پشاور سے صوبائی اسمبلی کے رکن منتخب ہوئے اور بعد ازاں چوتھی مرتبہ اے این پی کے سینئر صوبائی وزیر کی حیثیت سے حلف لیا۔ عوامی نیشنل پارٹی کے پارلیمانی لیڈر کے ساتھ ساتھ وہ دو مرتبہ اے این پی کے صوبائی صدر بھی رہے۔

شہادت

22 دسمبر 2012 کو عوامی نیشنل پارٹی کی ایک ریلی میں ایک خودکش حملہ ہوا ۔ اس واقعے میں سنئیر صوبائی وزیر بشیر احمد بلور کے علاوہ ان کے سیکرٹری اور ایک اعلی پولیس اہلکار بھی شہید ہوئے -

تدفین

بشیر احمد بلور کی نمازجنازہ کرنل شیر خان شہید اسٹیڈیم میں پڑھائی گئی- جنازے میں اسفندیارولی، وزیر اعلیٰ امیر حیدر خان ہوتی، سابق وزیر اعظم یوسف رضا گیلانی سمیت ہزاروں لوگوں نے شرکت کی۔

سوگ

بشیر بلور کی وفات پر پورے پاکستان میں مختلف سطحوں پر سوگ کا اعلان کیا۔

حکومت پاکستان

ایک روزہ سوگ اور قومی پرچم سرنگوں

حکومت خیبر پختونخوا

تین روزہ سوگ

حکومت سندھ

دو روزہ سوگ

حکومت بلوچستان

تین روزہ سوگ

حکومت پنجاب

ایک روزہ سوگ

عوامی نیشنل پارٹی

دس روزہ سوگ

پاکستان پیپلز پارٹی

دو روزہ سوگ

متحدہ قومی تحریک

تین روزہ سوگ

پاکستان مسلم لیگ فنکشنل

تین روزہ سوگ