قومی لائبریری، روس

قومی لائبریری، روس
قومی لائبریری، روس
	Российская национальная библиотека
	The 18th-century building of the library ; faces Nevsky Prospekt
	59°56′01″N 030°20′08″E / 59.93361°N 30.33556°E
محل وقوع	روس
ٹائپ	قومی کتب خانہ
قیام	1795 (229 برس قبل)
Reference to legal mandate	Decree of the Government of the Russian Federation authorizing the Statute of the Federal State Institution "The National Library of Russia" (March 23, 2001)
مجموعہ
مجموعہ	Books, journals, newspapers, magazines, official publications, sheet music, sound and music recordings, databases, maps, postage stamps, prints, drawings, manuscripts and media.
ذخیرہ کتب	36,475,000 items (15,000,000 books)
ذرائع	Legal deposit of materials published in Russia; "Rossika": materials about Russia or materials published by the people of Russia residing abroad; selected foreign scholarly publications and other materials.
Legal deposit	Yes (Legal Deposit Law)
رسائی اور استعمال
شرائط رسائی	Reading rooms – free. Russian residents must be 14 or older. Foreign visitors are limited by the period of their visa.
گردش	8,880,000 (2007)
آبادی	1,150,000 (2007)
دیگر معلومات
مختص رقم	569,200,000 RUB ($23,400,000)
مدیر	Alexander Vershinin
ملازمین	1,850
ویب سائٹ	www.nlr.ru/eng/

روس کی نیشنل لائبریری نہ صرف ایک قدیم لائبریری ہے جو 27 مئی، 1795ء کو قائم ہوئی بلکہ یہ ملک کی پہلی نیشنل لائبیری بھی ہے۔ یہ لائبریری شمال مغربی روس کے اہم ترین ثقافتی مرکز اور بندرگاہ سینٹ پیٹرز برگ میں واقع ہے۔1931ء میں اس کی جدید عمارت کی تکمیل ہوئی۔

کتابوں کی تعداد

اس لائبریری کے مجموعے میں ڈھائی سو زبانوں میں ساڑھے چار کروڑ سے زيادہ کتابیں محفوظ ہيں۔ان میں اردو، ہندی، بنگالی، تاملی اور سنسکرت زبانوں میں بھی لکھی کتابیں شامل ہیں- اگر اس لائبریری میں موجود تمام کتابوں کو تختوں سے نکال کرایک قطار میں رکھا جائے تو اس قطار کی لمبائ 600 کلومیٹر ہوگی-کتابوں کی تعداد کے حوالے سے صرف واشنگٹن کی لائبریری آف کانگریس نیشنل لائبریری آف رشیا سے آگے ہے۔

مخطوطات اور دیگر مواد

یہاں موجود کل مواد، بشمول کتب، جرنلز، رسائل، نقشے، ڈاک ٹکٹ، موسیقی کے ریکارڈز، ڈرائنگز اور پینٹنگز کی تعداد 6 کروڑ 60 لاکھ سے زائد ہے۔ اس لائبریری میں مخطوطوں کا مجموعہ بیش قیمت ہے- درحقیقت یہ قدیم جواہرات کے قومی مجموعے سے زيادہ قیمتی ہے- بہت پرانے مخطوطوں کے علاوہ اس مجموعے میں عظیم روسی شاعروں اور نثرنگاروں کے قلمی نسخے بھی محفوظ ہيں جن میں الیکساندر پوُشکیِن، فیودر دستایوسکی، لیو توسلتوئ کانام لینا ضروری ہے- اس کتب خانے میں لاثانی کتابوں کا خاص الگ شعبہ ہے-وہاں ایسی نادر کتابیں محفوظ ہیں جن کے دنیا میں کوئی ایک یا دو نمونے موجود ہیں- مثال کے طور پر ان میں 1487 میں ہالینڈ کے شہر اینٹورپ میں شائع شدہ عیسائ عبادتوں کے دو مجموعے اور 15 ویں صدی کے ہسپانوی ادیب سروانتس کے افسانوں کا دو جلدوں پر مشتمل مجموعہ جو کارک درخت کے پتوں پر چھپا تھا، شامل ہیں۔ اس کے علاوہ اس لائبریری میں بے شمار نجی ذخائر بھی جمع ہیں جو روسی بالشوویک انقلاب کے بعد سرکاری تحویل میں لے لیے گئے تھے۔

لائبریری کے پرانے نام

اس لائبریری کو تاریخ کے مختلف ادوار میں ”امپیریل پبلک لائبریری‘‘ (1795ء سے 1917ء تک)، ”رشین پبلک لائبریری‘‘ (1917ء سے 1925ء تک) اور ”سٹیٹ پبلک لائبریری‘‘ (1925ء سے 1992ء تک) جیسے ناموں سے پکارا جاتا رہا ہے۔

اہمیت

اس لائبریری کا شمار دنیا کی عظیم ترین لائبریریوں میں ہوتا ہے۔ یہ دنیا کے سب سے بڑے کتب خانوں میں سے ایک ہے-لائبریری مواد کے حوالے سے یہ روس کی دوسری بڑی لائبریری ہے۔اس لائبریری نے نے موجودہ دور میں بہت ترقی کی۔ اسے قائم ہوئے دو سوسال سے زیادہ عرصہ گذر چکا ہے۔ اس کی کتابیں بہت قیمتی ہیں۔ ہر روز سات ہزار سے زائد افراد ماسکو کے اس کتب خانے میں آتے ہیں۔یہ رشیا کا معلوماتی، تحقیقی اور ثقافتی مرکز بھی ہے۔

لائبریری کتابوں کے کیٹلاگ کارڈ کے ہزاروں سیٹ تیار کرتی ہے جو ویٹی کن لائبریری اور لائبریری آف کانگرس میں تبادلہ کے طور پر بھیجے جاتے ہیں۔ روس میں دنیاکے دوسرے ممالک کے مقابلے میں کتابوں کی اشاعت بہت زیادہ ہوتی ہے۔ یہ عظیم لائبریری روسی ناشروں کی تمام مطبوعات کی ایک ایک کاپی وصول کرتی ہے۔ سوئٹزر لینڈمیں چھپنے والی تمام مطبوعات کی ایک ایک کاپی اس لائبریری میں رضاکارانہ طور پر جمع ہوتی ہے۔ یہ لائبریری نئی مطبوعات کی ایک ماہانہ فہرست بھی شائع کرتی ہے اور اس کے علاوہ ببلیو گرافی اور سو سے زیادہ کتب خانوں کے یونین کیٹلاگ کی تیاری کے فرائض بھی انجام دیتی ہے۔