Карбазол

Карбазол, дибензопиррол, д и фениленимин, C12Ҳ9Н — рангсиз кристалл модда. Иккита бензол ва битта пиррол ҳалқадан тузилган. Мол. м. 167,2. Суюқланиш температураси 247°, қайнаш температураси. 355°; енгил ҳайдаланади. Сувда эримайди. Органик эритувчиларда яхши эрийди. Карбазол кучсиз асос, кислоталар билан беқарор тузлар ҳосил қилади. Карбазол, асосан, тошкўмир (антрацен мойи)дан ва сунъий усулда ортоаминодифинил, фенантрен 2-аминодифениламин ва б.дан олиниши мумкин. Карбазол ва унинг ҳосилалари доривор моддалар, бўёклар, инсектицидлар, термопластик материаллар олишда ишлатилади.