Buio Pesto

I Buio Pesto xe un grupo muxicałe diałetałe itałian che vien da Bogliasco (GE). El nome che gà el grupo se baxa su un xugo de parołe derivà dała łengua ligure, dove el termine pesto se połr referire tanto a l'agetivo scuro o fóndo, quanto al tipego consiéro ligure che se uxa.

El logo del grupo, caraterixà da un cołor verde maùco, riciama ła forma de ła fojéta de baxiłìco, che xe el prinsipałe ingrediente del pesto.

El stiłe muxicałe de ła band varia dal pop, al rap, al reggae, fin ała muxica popołar.

Carateristega che gà tute canson che fa sta band xe ła forte ironia e ła comicità che conferise ała muxega 'na particołare vis bagołona e goliardica.

'Ntel 2005 el Comun de Genova gà consegnà ai Buio Pesto el disco d'oro par ła cariera par aver sorpasà łe 50.000 copie de dischi vendùi. Al stato atuałe łe vendite riva a 77.000 copie, che deventa 151.000 se contixàe anca łe compilation. I gà fato 516 concerti e 106 partisipasion come ospiti, par un totałe de 122 exibision. I gà fato suxo più de 170.000 euro par beneficensa e 'l so publico anco' xe pì de un miłion de spetatori.

Storia

Ła storia dei Buio Pesto taca 'ntel setenbre del 1983 ad òpara de Danilo Straulino, Davide Ageno (ancora menbri del grupo, rispetivamente ała bateria e ałe chitare) ed Ettore Valle, anca se l'atività uficiałexe scuminsià 'ntel 1992 co ghe xe stà l'incixión del so primo album. Voglio una fidanzata, publicà prima da ła Deadline / Discomagic e po' 'ntel 1996, da ła Sony. Ma 'ntel 1995 ła vicenda artistega dei Buio Pesto conose 'na svòlta inportante co' ła decixión de cantare in łengua ligure.

El so secondo disco, "Cosmolandia" vien publicà 'ntel 1998; vendùo in oltre 3.000 copie, contien un tòco mai fato prima. "Cosmolandia", cantà in cùbia co' Franco Malerba, el primo astronauta itałia a svołare 'ntel spasio par ła NASA 'ntel 1992 co'l Space Shuttle Atlantis.

I Buio Pesto gà anca prodoto e interpretà queo che xe considarà el primo[2] film de fantasiensa girà e prodoto conpletamente in Itałia: InvaXön - Allieni in Liguria.

A otobre 2008, ano de ła publicasion del CD Liguria, xe stà distribuìo el so secondo film intitołà Capitan Baxiłico. El film xe stà in concorso par i premi David di Donatello 2009 ^[3].

A xugno 2010 xe vegnùo fora el so setimo album, Pesto che include cołaborasion co' Povia, Marco Masini e co'l sconparso Max Parodi, l'album 'nteła prima setimana de insìda gà vendùo 1.500 copie e gà sorpasà a Genova łe vendite de Arrivederci, mostro! de Ligabue ^[4]