John Cale

John Cale
Biografia
Nasimènto	(en) John Davies Cale ; 9 de marso del 1942 (82 ani); Garnant (Gàłes) (it)
Ativo inte i ani	1997
Dati personałi
Formasion	Goldsmiths College (it) (1960–1963); Ammanford Grammar School (en)
Atività
Canpo de laoro	Mùzica e musica per film (it)
Ocupasion	cantautor, muzicista sperimentałe, ranzador, pianista, conpozitor, autor de mùzica par el sìnema, diretor de cine, ator de tełevixion, modeło, produtor discogràfego, ator, ator, autobiògrafo, parołiero, cantante
Atività	1963 –
Inprenditor	Warner Bros. Records (it) , atists & repertoire (it) (1972–1973)
Menbro de	The Velvet Underground (1965–1968); The Velvet Underground (tastierista, corista (it) , violista (it) , basista) (1965–1968); The Primitives (it) (1964–1965); Theatre of Eternal Music (it) (1963–1965); National Youth Orchestra of Wales (en)
Zènare	Rock sperimentałe, rock alternativo, art rock (it) , poprock, folk rock, drone music (it) , protopunk, musica d'avanguardia (it) , spoken word (it) , musica classica (it) e rock
Movimento	Fluxus (it)
Profesori	Iannis Xenakis (it) , Humphrey Searle, Paul Steinitz (it) , Gwynne Edwards (en) e F. Murray Abraham
Influense	Antonio Vivaldi, Iannis Xenakis (it) , Morton Feldman, Edgard Varèse, La Monte Young (it) e Bedřich Smetana
Raprezentà da	Jane Friedman (it) , Nita Scott (it) e Tony Paris (it)
Voze	Barìtono ; ;
Instrumento muzicałe	Viola (it) , Pianoforte, intrumento a botoni, chitarra basso (it) , chitara, òrgano, sintetizador, viola elettrica (it) , chitara eletrica, Chitara acustica, celesta (it) , organo Hammond (it) , armonium indiano (it) , church organ (en) , drum machine (it) , instrumento de percusion, clavicembalo (it) , xilofono (it) , marimba (it) , triangolo (it) , glockenspiel (it) , cabasa (it) , piano ełètrego, campionatore (it) , campane tintinnanti (it) , sarinda (it) , Chitara baritona, clavinet (it) , mellotron (it) , tastiera elettronica (it) e voze
Targheta discogràfega	ZE Records, SPY Records, Island Records, Rhino Records
Partisipante in
2025	POPtical Illusion Tour (en)
2023	Mercy Tour (en)
29 de zugno del 2018	Concerto di John Cale & Band + Sinfonietta de Lausanne durante il Montreux Jazz Festival del giorno 2018-06-29 (it)
setenbre 2014	LOOP − 60Hz: Transmissions from The Drone Orchestra (en)
3 de otobre del 2012	Shifty Adventures in Nookie Wood Tour (en)
21 de novenbre del 2009	When Past and Future Collide (en)
majo 1994	The '99 Greenwich Delusion (en)
	Life Along the Borderline (en)
Òpara
	Òpare in rezalto (1973) Paris 1919 (it) ; (1982) Music for a New Society (it) ;
Repertòrio
	Art rock
Fameja
Cògnuze	Betsey Johnson (it) (1968–1971), Divòrsio; Cynthia Wells (it) (1971–1975), Divòrsio; Risé Cale (en) (1981–1997), Divòrsio
Convivente	Jane Friedman (it) (dècada del 1970–dècada del 1980); Claudia Gould (en) (1997–vałor sconosesto)
Fiołi	Eden Cale (it) ; ( John CaleRisé Cale (en) )
Zenitori	William Arthur George Cale (en) e Margaret Davies (en)
	(25 de otobre del 2014) Człowiek ze Złotym Uchem (en) ; (19 de novenbre del 2010) Ufficiale dell'Ordine dell'Impero Britannico (it) Conferio da Carlo III; (26 de majo del 2000) laurea honoris causa (it) ; (17 de setenbre del 1997) laurea honoris causa (it) ; (16 de zenaro del 1996) Rock and Roll Hall of Fame Conferio da Patti Smith ;
	Segno
Sito web	john-cale.com

John Davies Cale (Garnant, 9 marso 1942, xe un muxicista, cantautor, połistrumentista, conponidor e produtor discografego britanego, conosùo soratuto pa'i so laori ne l'anbito rock (tra cui ghe xe da recordarse del grupo Velvet Underground che gà fondà co Lou Reed), sìben continuando ła so carièra el gabia po' spasià so altri stiłi muxegałi.

Biografia

John Cale xe nato a Garnant inte el Galles del sud, in una xona un mucio industriałixà del fiume Amman. Col jera bòcia el parlava noma ché el gałexe - a cauxa de ła forte influensa de so nona materna, che no vołeva ch'el inparase l'inglexe fìn quando no el ga tacà ad andàr a scòła col gaveva sete ani. El se gavea scoverto aver na gran pasion par el viołonseło, cussì el gà studià muxica al Goldsmiths College, University of London. El gà anca organixà un picoło concerto essendo stà influensà da ła corente artistega Fluxus A Little Festival of New Music, el 6 lujo 1963. Inaxonta el gà contribuìo al cortometragio Police Car interesandose senpre de pì a ła sèna avant-garde^[1]. Drìoman, finìa l'academia, el ga viaxà atraverso i Stati Unii par continuàr i so studi muxicałi slargando cussì el so bagàgio de esperiensa, grasie a l'juto e a l'influensa de Aaron Copland.

Rivà a New York City, el s'a catà co vari influenti conponidori intrando in contato co ła "controcultura" de ła metropołi. El 9 setenbre 1963, in conpagnìa de John Cage e tanti altri, Cale gà parteçipà a na maratona pianistica łonga disdòto ore che xe stàda ła prima raprexentasion integrałe de l'òpara de Erik Satie ''''Vexations"''. Dopo la performance, Cale xe aparìo in tełevixion inte el spetacoło (show) ''I've Got a Secret''. In seguito el xe intrà a far parte del 'ensemble muxicałe direto da La Monte Young, il Theater of Eternal Music conosùo anca cofà "The Dream Syndicate", (da no confusionarse co l grupo ani otanta che se ciamava conpagno).

I Velvet Underground

Inte el 1965 el fa conosensa co Lou Reed che a quel tenpo laorava cofà conponidór so comision de cansónete pop, descoverxendo de aver co łù ła pasion par el sperimentałismo e par el rock'n'roll. In conpagnìa de Reed (prima voxe, chitara), Sterling Morrison (baso e chitara) e Angus MacLise (sucesivamente sostituìo da Mauren Tucker (Percusión) forma i "Velvet Underground". El so primo disco (The Velvet Underground & Nico') vien publicà inte el 1967, co ła partecipasion de ła modèła (indrìoman deventàda cantante) Nico; resta oncora ancùo uno dei mejo albun rock de ła storia.

Inte el grupo el gà sonà segondo i tòchi, vioła ełetrica, pian e baso ma soratuto, el vołeva un sperimentałismo che smisià al stìłe de Reed rendese tìpego el "son" dei Velvet. I ràdeghi capità inte el grupo in ùltima dovùi a l'egocentrismo de Lou Reed (cao del grupo), gavea ròto l'archimìa portando a un segondo disco ("White light/White heat") dai soni pì àcidi, pì "tachénti" e anca pì sperimentałi.

Inte el 1968, drìo ła publicasion del segóndo albun, Cale gà łasà el posto (in ùltima slontanà da Lou Reed); i do laori drìo in studio (The Velvet Underground e Loaded), registrà dal grupo dopo el sbandón de Cale gà reportà a łigne mełodiche pì decifrabiłi (reciabiłi). Cale gà anca cołaborà co Nico, Brian Eno e Terry Riley coi cuałi el gà insixo sol prinsìpio dei ani setanta vari albun. El gà anca prodòto el primo, omonemo LP dei Stooges ('ntel 1969) e el primo de Patti Smith, Horses.

Cale gà sonà anca inte el primo disco da sołista de Nico del 1967, Chelsea Girl, disco che gaveva canson scrite dal steso Cale, da Reed e da Morrison, che gaveva partesipà come muxicisti ne l'albun. Cale se gà simentà anca come parolièr inte i brani Winter Song e Little Sister.

Inte el 1968, John Cale gà spoxà ła stiłista Betsey Johnson.^[2] El matrimonio parò no xe stà masa longo e cussi i se ga divorsià inte el 1971.

Oltra a conparìr inte i primi do albun dei Velvet, Cale gà sonà l'organo^[3] inte el brano Ocean durante łe sentàe de registrasion par publicàr el quarto disco del grupo Loaded, squaxi do ani drìo ła so insìda da ła formasion del grupo. Infati el jera stà reportàin studio dal manager del grupo Steve Sesnick in un tentativo patòco de darghe oncora foram a quel grupo orixinal che gera i Velvet.^[4] Sìben ła version precedente che gaveva anca ła so cołaborasion no xe finìa so' ła finałe de l'albun, la rejistrasion demo de Ocean xe stà po' parte de ła ristanpa slargà del disco Loaded: Fully Loaded Edition del 1997. A ła fìn, altre sinque canzoni inedite registrate da Cale quando oncora era un membro dei Velvet Underground tra il 1967 e il 1968, sono state incluse nelle raccolte di inediti VU (1985) e Another View (1986).

Ła carièra sołista

Avendo serà l'esperiensa visùa co i Velvet, John Cale gà decixo de ciapàr na carièra da sołista, alternando albun rock a cołaborasion e muxiche da film.

Ani setanta

Dopo aver mołà el grupo dei Velvet Underground, Cale gà laorà cofà produtor discografego produsendo diversi albun, conprexi i dischi de Nico, The Marble Index, Desertshore e The End. Sucesivamente el gà prodòto l'albun omonemo d'exordio dei The Stooges. El gà partesipà al segondo disco de Nick Drake, Bryter Layter, sonando ła vioła in do canson de l'albun, Northern Sky e Fly.

Inte el 1970, inaxonta a ła so carièra cofà produtor, Cale gà tacà a registrare i so albun da sołista. El primo disco, Vintage Violence, a despèto del titoło gà muxeghe folk-pop, abastansa łontane dal stiłe sperimentałe mostrà inte i Velvet Underground. In seguito, el gà cołaborà co el conponidor clasego, Terry Riley, a ła conpoxision strumentałe Church of Anthrax. I so esperimenti co ła muxega clasica xe andà 'vanti inte el inte el 1972 co el segondo albun da sołista The Academy in Peril.

Inte el 1972, el gà firmà un contrato co ła Reprise Records. The Academy in Peril xe stà pròpio el primo progeto sviłupà par la Reprise. El disco drìoParis 1919 (1973) xe un ritorno a un stiłe più convensionałe. Paris 1919, albun dei testi criptici e conplesi, xe retenùo el so caołavoro.^[5]

El laoro de Cale come produtor xe continuà inte el 1974 col gà firmà par laIsland, ocupandose dei dischi de Squeeze, Patti Smith, The Modern Lovers e Sham 69. Durante sto perdio, el xe stà anca scovridor de tałenti par la Island.

Tornà da nòvo in Gran Bretagna, Cale gà publicà na serie de albun che se moveva so' na nòva diresion. Łe so òpare xe deventàe tètre e dark, de frecuente che portava un senso de agresività latente e morboxa. Ła triłogia discografega - Fear, Slow Dazzle, e Helen of Troy xe stà registrà co altri de ła scudarìa Island cofà Phil Manzanera e Brian Eno dei Roxy Music, e Chris Spedding. Sta faxe de ła carièra muxicałe de Cale xe enblematicamente raprexentà da ła so disturbante cover del clasico de Elvis Presley Heartbreak Hotel, che se cata sia inte el Slow Dazzle che inte l'albun live June 1, 1974, registrà co Kevin Ayers, Nico ed Eno, e da ła so performance in Leaving It Up To You, na salvàdega tacàda ai mass media conservà orixinalmente inte el disco Helen of Troy (1975), ma prèsto scartà da łe ristanpe drìo de l'albun forse par i referimenti ne ła canoson a ła sasinàda de Sharon Tate.

Inte el 1977, el gà publicà l'EP Animal Justice. Łe so exibision dal vivo, de frecuente de gran spesor, se asociava ben a ła nasente sèna punk rock. Cale gà scomissià sol palco a uxàr na mascàra da hockey so giàso (vedare ła covertina de ła racòlta Guts del 1977). Sto solook gà antisipà de diversi ani el film Venerdì 13, dove Jason Voorhees, el cativo de ła serie, sfogia na mascàra conpagna. Durante un concerto, el gà copà un połàstro vivo co na manèra, e el so grupo gà łasà el palco in segno de protesta. El baterista de Cale, un vegetarian convinto, xe stà cussì descomodà da l'evento da łasàr el grupo. Indrìoman Cale gà ameso che stiso senegiaménti de siménto de l'epoca gera da ricondurse ad un masìso utitiłxo de cocaina.^[6]

Inte el dìsenbre 1979, el lìgame de Cale co l'ètica punk gà avùo el so pico co ła publicasion de l'albun Sabotage/Live. El disco, rejistrà dal vivo al CBGB in zugno, gà forti performance vocałi e strumentałi.

Ani otanta

Inte el 1981, Cale xe pasà a ła A&M Records e gà provà a trovàr un son pì comerciałe co l'albun Honi SoitHoni Soit]]. Andy Warhol se ga ocupà de ła grafega de coertina, el design xera in bianco e negro, ma contro ła vołontà de Warhol, Cale ghe gà vosùo far cołoràr. El nòvo corso no gà avùo suceso, e el so raporto co ła A&M xe finìo. Ai tenpi, Cale gà spoxù ła so tersa mugèr, Rise Irushalmi. (I so primi do matrimoni gera stài rispetivamente co Betsey Johnson e co Cynthia Wells, megio conosùa cofà "Miss Cynderella" de łe The GTOs).

Indrìoman, el gà firmà un acordo co ła Ze Records, eticheta ch'el gaveva contribuìo a creàr e che gavea zontà anca ła Spy Records, na caxa discografega che John Cale gavea fondà in conpagnìa de Jane Friedman. L'ano drìo, Cale gà rełasà ''Music for a New Society''. Dobòto pasà sensa rimarco, el disco xe ancùo considerà da ła critica uno dei mejo laori sołisti de Cale^[7].

L'albun drìo, ''Caribbean Sunset'', senpre so Ze Records, xe un laoro pì acesìbiłe fasendo un paragon a ''Music for a New Society'', ma par çerti versi oncora votà a ła sperimentasion dei soni. El disco no xe mai stà restanpà in CD.

Provando co un ultimo tentativo de torse el suceso a livèło comerciałe, Cale gà registrà l'albun Artificial Intelligence par la Beggars Banquet records. El disco, scrito in cołaborasion co Larry "Ratso" Sloman, xe caraterixà dal son dei sintetixatori e de ła baterìa ełetronica e da atmosfere un mucio pop. Purmasa par Cale, anca el tentativo de sfondràr no gà avesto suceso, anca s'el singoło estrato da l'albun Satellite Walk s'avea vadagnà ła temporanea çełebrità.

Ani novanta e domiłe

Inte el 1990 co Lou Reed el gà publicà Songs for Drella, albun de comemorasion de l'amigo Andy Warhol; xe stà infati Warhol el promotor del so progeto artistego: xe stà el pare che gà sernìo el nome del grupo, sua xe stà anca ła famoxa covertina co ła banana "sbuciabiłe", pol darse che fusse stà sua l'idea de asociar el grupo ła voxe de Nico.

Inte el 2000 el firma ła cołona sonora del film American Psycho.

Inte el 2003 el torna a publicàr nòvo material co l'albun HoboSapiens, sta volta influensà da ła muxica ełetronica moderna e de l'alternative rock. El disco gà risevùo boni riscontri e xe stà co-prodoto da Cale in conpagnìa de Nick Franglen del Lemon Jelly. Al disco indrìoman xe stà publicà inte el 2005 l'albun BlackAcetate.

Ancora in atività pasai più de 40 ani, John Cale ghe gà dà a łe stanpe de recente na racòlta live (Circus Live, 2007), che ło gà ocupà in un gran tour eoropeo, co łe do tape itałiane de Miłan e Urbin (Teritorio Muxicałe.

Discografia

Co i Velvet Underground

The Velvet Underground & Nico (MGM) marso 1967
White Light/White Heat (Verve) xenaro 1968
VU (Verve, outtakes compilation) febraro 1985
Another View (Verve, outtakes compilation) setenbre 1986
Live MCMXCIII (Sire) novenbre 1993
Peel Slowly and See (Polydor, box set) setenbre 1995
Loaded (Fully Loaded Edition) (Rhino Records) 1997†
The Very Best of The Velvet Underground (Polydor, compilation) apriłle 2003

Sołista

Vintage Violence (Columbia) disenbre 1970
The Academy in Peril (Reprise) apriłe 1972
Paris 1919 (Reprise) marso 1973
Fear (Island) setenbre 1974
Slow Dazzle (Island) marso 1975
Helen of Troy (Island) novenbre 1975
Animal Justice mini-lp (Illegal Records) 1977
Guts (compilation) (Island) febraro 1977
Sabotage/Live (IRS) disenbre 1979
Honi Soit marso 1981
Music For A New Society (Ze) agosto 1982
Caribbean Sunset (Ze) zugno 1983
John Cale Comes Alive (Ze) setenbre 1984
Artificial Intelligence (Beggars Banquet) novenbre 1985
Words for the Dying (Opal/Warner Bros.) otobre 1989
Even Cowgirls Get The Blues (live) (ROIR) 1991
Paris S'eveille, Suivi d'Autres Compositions (OST) (Crepuscule) novenbre 1991
Fragments of a Rainy Season (live) (Hannibal) otobre 1992
23 Solo Pieces pour La Naissance de L'Amour (Crepuscule) novenbre 1993
N'Oublie Pas Que Tu Vas Mourir (Crepuscule) 1994
Seducing Down The Door (compilation) (Rhino) 1994
Antartida (OST) (Crepuscule) 1995
Walking on Locusts (Hannibal) setenbre 1996
Eat/Kiss: Music for the Films of Andy Warhol (Hannibal) zugno 1997
Somewhere In The City (OST) agosto 1998
The Unknown (OST) (Crepuscule) 1999
Le Vent De La Nuit (OST) (Crepuscule) marso 1999
Close Watch: An Introduction to John Cale (compilation) - 1999
5 Tracks (EP) (EMI) magio 2003
HoboSapiens (EMI) otobre 2003
Process (OST) (Syntax) lujo 2005
blackAcetate (EMI) otobre 2005
Jumbo In Tha Modern World (cd single) (EMI) lujo 2006
Circus Live (live) (EMI) febraro 2007
Shifty Adventures in Nookie Wood (Double Six) 2012
M:FANS (Double Six) 2016
Mercy (Double Six) 2023

Cołaborasion

Church of Anthrax (co Terry Riley) (Columbia) apriłe 1971
June 1, 1974 (co Kevin Ayers, Brian Eno, Nico) (Island) 1974
Songs for Drella (co Lou Reed) (WEA) apriłe 1990
Wrong Way Up (co Brian Eno) (All Saints) otobre 1990
Last Day on Earth (OST, co Bob Neuwirth) (MCA) magio 1994
Le Bataclan '72 (co Lou Reed & Nico) 2004
Auto-Intoxication (co Manic Street Preachers) (Sony Music) setenbre 2010

Cofà produtor

The Stooges (dei The Stooges) (Elektra) 1969
The Marble Index (de Nico) 1969
Desertshore (de Nico) 1970
Bryter Layter (de Nick Drake) 1970
Horses (de Patti Smith) (Arista) 1975
The Modern Lovers (The Modern Lovers) (Home of the Hits) 1976
Squirrel and G-Man Twenty Four Hour Party People Plastic Face Carnt Smile (White Out) (degli Happy Mondays) 1987
Louise Féron (de Louise Féron) (Virgin) 1991

Note

↑ Fluxus Codex, Jon Hendricks, Harry N. Abrams, 1988, pag.221
↑ Jason Schneider, John Cale The Velvet Evolver, Exclaim!, November 2005. entrada il 19 marzo 2009.
↑ Fricke, David. Note contenute inte el booklet del CD Loaded: Fully Loaded Edition, 1997
↑ Fricke, David. Note contenute inte el booklet del box set Peel Slowly and See, 1995
↑ Paris 1919 su Allmusic.com
↑ Mitchell, Tim Sedition and Alchemy : A Biography of John Cale, 2003, ISBN 0-7206-1132-6
↑ Music for a New Society tratto da Allmusic.com

Wikimedia Commons el detien imàjini o altri file so John Cale
Scholia el detien schemi gràfeghi so John Cale

Controło de autorità	VIAF (EN) 105264486 · ISNI (EN) 0000 0003 8291 0405 · El vałore VEAV042923 de SBN no el xe mija bon. · Europeana agent/base/61602 · LCCN (EN) no90014768 · GND (DE) 120542560 · BNF (FR) cb138920787 (data) · BNE (ES) XX872543 (data) · ULAN (EN) 500472919 · WorldCat Identities (EN) no90-014768

[1] Fluxus Codex, Jon Hendricks, Harry N. Abrams, 1988, pag.221

[Exclaim-2] Jason Schneider, John Cale The Velvet Evolver, Exclaim!, November 2005. entrada il 19 marzo 2009.

[3] Fricke, David. Note contenute inte el booklet del CD Loaded: Fully Loaded Edition, 1997

[4] Fricke, David. Note contenute inte el booklet del box set Peel Slowly and See, 1995

[5] Paris 1919 su Allmusic.com

[6] Mitchell, Tim Sedition and Alchemy : A Biography of John Cale, 2003, ISBN 0-7206-1132-6

[7] Music for a New Society tratto da Allmusic.com

[1]

[2]

[3]

[4]

[5]

[6]

[7]