Poot

Dat artikel es geschreevn in 't Noordelik West-Vlams.

---

Poot van 'n hoend

E poot is 't been van e beeste.

De viervoeters of Tetrapoda zyn beestn mè vier ledemoatn. Sommigte zoogbeestn wordn gegroepeerd volgns de vorm van hunder pootn:

• Hoefbeestn
• Eevnhoevign
• Oeneevnhoevign

De geleedpotign hèn meerdelige (gelede) pootn:

• Zespotign (Hexapoda), insectn
• Tienpotign (Decapoda)
• Duysdpotign of veelpotign (Myriapoda)

By de molluuskn (Mollusca) trekn de pootn meer ip tentoakels:

• Intevisn (Cephalopoda): koppotign
• Slekn (Gastropoda): buykpotign

De voorpootn kunn getransformeerd zyn in:

• Oarms by de mens
• Vlerkn by veugels en vleermuyzn
• Groavnde pootn by mols

D' achterpootn kunn getransformeerd zyn in:

• Beenn by de mens
• Spryngpootn by kangoeroes, puytn, sprynkoanders
• Zwemvliezn, vinn of andere zwempootn

Twèevoetign zyn beestn die twèe pootn hèn of ip twèe pootn loopn lyk de mens en de veugels. Sommigte veugels hèn binst hunder evoluusje hunder vlerkn verloorn, lyk de kiwi's.