Tribune

Ge kut tribunes van buutn erkenn an de dubbele reke vèinsters in de zybeukn (kathedroale van Laon, Vrankryk, 12e eeuwe)

De tribunes boovn de scheeboogn lanks 'n kant van de dwarsbeuke in de kathedroale van Noyon, Vrankryk (12e eeuwe)

E tribune es en oopn verdiepienge woa da 't vook kut zittn.

In 't gevol van e romoans of gotisch kerkgebouw es e tribune de verdiepienge boovn de zybeukn. Oorsprounkelik wos datte en hoge zitplekke vo d'hoggere geestelikeid.

In de gotiek vind je tribunes were by kerkn mèi nen vierdeligen upstand. Ze zittn toun tusschn et triforium en de arcade mèi de scheeboogn. Ne vierdeligen upstand es typisch vo d'overgangsperiode van romoans noa gotiek. Tribunes goa je dus ollene ziene in gebouwn die in de vroegn gotiek (1140-1200) gezet hèin gewist. Vanof de hooggotiek volln de tribunes weg en kommn de boovnluchtn e heel stik grodder vo meer lucht na binn te keunn trekkn.

Tribunes boovn de scheeboogn in de kathedroale van Laon, Vrankryk