Land van’t Vrylêen

Koarte van 't Land van't Vrylêen uut 1659

't Land van't Vrylêen (Frans: Pays de l'Alleu ofte Pays de l'Alloeu, Nederlands: Land van het Vrijleen) es 'n historische streke in't nôordn van Vrankryk die nu ligt an de schreve van't Nôorderdepartement en 't Nauw van Kales.

't Land van't Vrylêen lag ip de zuudelyke kant van de Leie, ip't schee'n van't de kasselrye Rysel, de Fransche Westoek (die olletwêe by 't groafschap Vloandern ôordigdn) en Artesië. 't Bestound uut de drie landelyke prochies Wentie, Sailly an de Leie en Vloerbeke en ôok nog e stik van De Gorge, noamelyk 't gehucht Nouveau Monde.