Indje (biyolodjeye)

Ene indje u djinre, el biyolodjeye, c' est ene sôre di biesse, di plante, di bactereye ki les individus si plèt rprodure inte di zels, et dner des djonnes u des ôtes individus djusses come zels.

Les indjes sont rindjeyes dins des familes. Li syince ki parpinse ces rindjaedjes la si lome li sistematike.

Dispu Linné, tchaeke indje poite on no e sincieus latén, avou deus mots, li prumî avou ene grande lete. Metans

• Escherichia coli
• Agaricus campestris
• Chamaerops humilis
• Felis catus

Po des indjes foirt corantes, li no est kécfeye dobe :

• Vulpes vulpes
• Meles meles

Les indjes polèt aveur des dzonindjes, ki les individus sont ene miete diferins, mins ki s' polnut todi mopliyî avou l' ôte dizonindje. Les dzonindjes sont houkeyes pa on no e troes bokets. Boutans :

• Sus scrofa domestica
• Homo sapiens sapiens

Cwand gn a bråmint des indjes e-n ene biyonaxhe, on dit k' i gn a del biyovaryîsté.